Portada Política La organización soberanista Fai! entama un programa políticu quincenal en Radio Sele

La organización soberanista Fai! entama un programa políticu quincenal en Radio Sele

by asturnet

La organización Fai!, que se define como d’esquierda y soberanista, va entamar en Radio Sele, nel 106.1 de la FM, un programa que recupera’l nome del primer periódicu n’asturianu dafechu “Ixuxú!!”, qu’asoleyó en Xixón l’escritor Pachu’l Peritu a principios del sieglu XX. Esti “Magacín Sonoru Contrainformativu” va tener, “nun entamu”, una periodicidá quincenal y va emitise los domingos a les 19 hores.

Nel primer programa, los conductores del mesmu van facer dos entrevistes a fondu con miembros del CSOA La Reflexón y AHT Gelditu Elkarlana!, plataforma d’Euskal Herria n’oposición al tren d’alta velocidá.

Amás va tratase l’actualidá d’Asturies y del mundu, faciendo siempre una entrevista a un coleutivu o plataforma asturiana y otra internacional, sobre temes d’especial interés nos que nos fixar n’Asturies.

Pa cualesqueir petición o collaboración pue escribise a ixuxu@fai-asturies.org

Tamién te podria gustar