Portada Música La organista asturiana Susana Lastra protagoniza’l conciertu de “Uviéu, orixe del Camín”

La organista asturiana Susana Lastra protagoniza’l conciertu de “Uviéu, orixe del Camín”

by redacción asturnews

La ilesia de Santa María la Real de la Corte va acoyer esti xueves 15 de xunetu, a partir de les 20:00 hores, un nuevu conciertu d’órganu, enmarcáu nes actividaes culturales del Conceyu d’Uviéu para promocionar la ciudá como orixe del Camín de Santiago.

Nesta ocasión, el recital va correr al cargu de la organista asturiana Susana Lastra, que va interpretar el programa “Europa fíxose pelegrinando a Compostela”. Nél va realizar un percorríu pola música d’órganu de los sieglos XVII y XVIII, que remembra dalgunos de los que jalonaron la ruta. Un pelegrinaxe organístico al traviés de los caminos europeos que conducen históricamente a Santiago de Compostela. Nel programa atópase música española que reflexa non yá la importancia de la ruta del Norte, sinón tamién la principal ruta dende’l Sur, al traviés de la Vía de la Plata. La primera representada en compositores como’l Padre Soler, Martín I Coll o D. Arquimbau, y la segunda va faese presente cola música del sevillanu F. Correa de Arauxo, unu de los meyores compositores de música para tecla y qu’encarna la transición escontra’l primer Barrocu n’España.

Tamién te podria gustar