Portada Plástiques La oficina d’igualdá de Xixón homenaxea a les muyeres pintores de la ciudá

La oficina d’igualdá de Xixón homenaxea a les muyeres pintores de la ciudá

by redacción asturnews

La Oficina de Polítiques d’Igualdá presentó esta selmana nel Conceyu la so axenda y calendariu pa 2021 cola presencia de la Directora Xeneral d’Igualdá, Goretti Avello, y l’Alcaldesa de Xixón, Ana González Rodríguez.

Tratase d’un material divulgativo que’l so oxetivu ye reparar l’olvidu histórico del que fueron víctimes les muyeres. Con esi fin, anguaño ta dedicáu a les muyeres pintores de la nuesa ciudá, reivindicando asina la so figura frente al talentu calláu de les mesmes na disciplina.

N’ese sentíu, l’Alcaldesa señaló que la reconocencia y la visibilidá de les muyeres son claves p’avanzar na materia, una y bones ‘el llinguaxe del arte puede ser más combativu y fecundu pa encurtiar la ruta pola igualdá’.

Dende xineru a avientu, distintos artistes son les protagonistes de cada mes:
Pintores en Xixón

Xineru: Julia Alcayde Montoya
Febreru: Carolina del Castillo Díaz
Marzu: Trinidad Fernández Martín
Abril: María Luisa Fernández Casielles ‘ Marixa’
Mayu: María Luis Benedé
Xunu: Amparo Cores Uría
Julio: Reyes Díaz Blanco
Agostio:   Josefina Xuncu Setiembre:
Mabel Álvarez Llavandera Ochobre:
Raquel Méndez Riestra ‘Kely’
Payares: Cuadonga Valdés Moré
Avientu:  Irma Álvarez-Laviada

Tamién te podria gustar