Portada Conceyos La Oficina de Mocedá del Conceyu de Xixón entama los sos talleres pa Secundaria

La Oficina de Mocedá del Conceyu de Xixón entama los sos talleres pa Secundaria

by redacción asturnews

Cola llegada del cursu, dende la Oficina de Mocedá del Conceyu de Xixón quieren que saques el máximu provechu a les hores d’estudiu y por mor d’ello ufierten talleres bien prácticos, de una hora de duración, que van tar afechos a distintos niveles.

Estudiar ye un procesu complexu, sobremanera cuando non cuentes coles ferramientes fayadices para entamate, ameyorar la to concentración o memorizar. “Aprender a aprender” ye una serie de talleres prácticos que te van dexar disponer d’habilidaes para ser capaz de sacar el máximu provechu a les tos hores d’estudiu.

Yá sabes que les hores que lu dediques al estudiu nun tienen de consistir namá en memorizar unos datos y reproducilos nun exame. La capacidá de concentración, organización y comprensión son variables que tienen una importante relación con un mayor rendimientu. Por eso, ye bien importante qu’empieces a a ser protagonista nel to aprendizaxe y entiendas que puedes ameyorar el to rendimientu académicu coles ferramientes fayadices.

Dende la Oficina de Mocedá del Conceyu de Xixón/Xixón queremos sofitar esa xera al traviés d’esta ufierta de talleres, amestada a la Sala d’Estudiu que xestionamos na Escuela de Comerciu (C/ Francisco Tomás y Valiente, 1, Planta baxa).

Tratase d’una ufierta de talleres bien prácticos, de una hora de duración, que van tar afechos a distintos niveles: estudiantes de Secundaria y estudiantes d’Universidá y/o que preparen oposiciones.

¿Cuál ye la meyor forma d’estudiar? ¿ye necesariu tar en silenciu o puedes poner música? Tu mesmu vas responder a estos y otros misterios n’una hora na que vamos analizar los erros más comunes que se cometen al estudiar y vas aprender claves para enfrentar l’estudiu d’una forma distinta antes o mientres el momentu d’estudiu.

Tamién te podria gustar