Portada Convocatories La Oficina de la Llingua de Xixón ufierta dos beques de formación pa especilistes o espertos en Filoloxía Asturiana

La Oficina de la Llingua de Xixón ufierta dos beques de formación pa especilistes o espertos en Filoloxía Asturiana

by asturnet

La Fundación Municipal de Cultura del Ayuntamientu de Xixón ta acabante convocar les sos beques de formación especializao, ente les qu’ufierta dos places destinaes a la Oficina de la Llingua. Los candidatos a disfrutar de les beques nel departamentu de promoción del asturianu habrán tener les titulaciones d’especialista o espertu en Filoloxía asturiana algamaes nos últimos cuatro años. Cada beca ta dotada con una asignación de 6010 euros.

Los candidatos selecionaos pa les beques de la Oficina Municipal de la Llingua habrán desenvolver los llabores d’estudiu, planificación y execución de mecanismos de promoción y difusión del asturianu al traviès de los servicios públicos, asina como’l diseñu y execución de programes y actividaes, trabayos de campu, estudios comparativos y ellaboración de testos y materiales didáuticos.

Les ‘bases’ d’esta convocatoria puen consultase na web institucional del Aytu de Xixón: o nel tablón d’anuncios de l’antigua Pescadería.

Tamién te podria gustar