La obra R.40 del artista Herminio gana la Medaya “Kely” de la Feria Arte Uviéu 2018

La obra R.40 del artista Herminio gana la Medaya “Kely” de la Feria Arte Uviéu 2018
29 ochobre 14:08 2018 Imprimir

La obra R.40, del artista Herminio de la Galería Aurora Vigil Escalera resultó la ganadora de la Medaya “Kely” (“Na Alcordanza de Kely 1960-2013″) de Feria Arte Uviéu 2018, que s’apurrió esti domingu, últimu día de la feria d’arte contemporaneo, na plaza de Trascorrales, a les 18 hores. Trátase, según informó’l Xuráu, de “un DM lacado de 110×120 x 35 cm  nel que se trabayó amás con metal, filo y campos magnéticos”.

Otros ocho obres optaben a la Medaya “Kely” cola que Feria Arte Uviéu premia cada añu a la meyor obra espuesta en Trascorrales.

Finalistes:

Benjamín Menéndez, Galería Bango.  Encadenaos.
Luis Hernando, Galería De Cero.  Serie Isalandia.
Iván Bazán, Galería Arantxa  Osoro. Usté nun ta equí XVIII Diego Beneitez.Galería Bea
Villamarin. Poesía muda.
Daniela Zanzini, Galería Arantxa  Osoro. S/T
Mónica Dixon. Galería Guilermina Caicoya. Non easy way oyer.
Helena Toraño. Galería Xima Llamazares. Duce sensación.
Ramón Rodríguez. Galería Alfara. La espiral del tiempu.

La plaza de Trascorrales acueyía dende’l pasáu día 25 la VIII Edición de la Feria d’Arte Contemporaneo del Principáu d’Asturies, ARTEOVIEDO 2018. Participaben 17 galeríes, más la Escuela d’Arte d’Uviéu, un total de 58 participantes. Pa esta Feria, la Fundación Municipal de Cultura invirtió daqué más de 14.000 euros.
Al marxe de les obres espuestes Arteoviedo18 cuntó con un programa paralelu de conxustes, alderiques –nel Salón de Té del Teatru Campoamor, el Belles Artes y el Colexu d’Arquiteutos- amás actividaes infantiles al cargu de Pablo de Lillo.

  Categories: