Portada Música La Nueve presenta en Cenera la so nueva propuesta folk

La Nueve presenta en Cenera la so nueva propuesta folk

by redacción asturnews
Cartelu del conciertu de presentación del grupu Folk La Nueve en Cenera

Un nuevu grupu de música folk de La Pola L.lena col nome de La Nueve va presentase per primera vegada col so espectáculu’l próximu sábado 20 de febreru a las 20 hores dientro del ciclu de Conciertos de la Panadería, na sede de l’Asociación Cultural Serondaya en Cenera, Mieres.La Nueve xurde como respuesta natural a la necesidá creativa d’un grupu comprometíu cola revalorización y reivindicación de la cultura popular asturiana. Fundáu en La Pola L.lena n’agostu de 2015, los componentes del Nueve provienen de formaciones cercanes a otros estilos como La Col.lá Propinde, Fala non caduca y Mokomitas.

Les sos composiciones transiten ente emociones y espresiones musicales de la tradición oral del conceyu de L.lena y d’otros llugares de la xeografía asturiana, con un enfoque propiu que busca atraer al públicu a soníos acústicos que conviden al baille. Anque la linea del grupu ye principalmente instrumental, guarden nes sos lletres un especial curiáu por caltener la variante linguística de la zona rural de L.lena.
El pesu de la melodía y de la percusión llevenla flauta trevesera de madera, l’acordión diatónicu y el bodrhan, ente que l’harmonía recai na guitarra y el baxu. Nel so repertoriu inclúin materiales recoyíos n’estudios etnográficos y cancioneros populares de la tradición asturiana arriqueciéndolos con composiciones propies y otres sonoridaes

Tamién te podria gustar