SociedáTurismu La nueva edición de CaleyAvilés ufre esti branu tres visites guiaes n’asturianu by redacción asturnews 22 de xunetu, 2020 written by redacción asturnews 22 de xunetu, 2020 1,3K La nueva edición de CaleyAvilés ufre esti branu tres visites guiaes en llingua asturianu que van ser esti vienres 24 de xunetu, el 21 d’agostu y el 18 de setiembre. Denis Soria Fernández, guía oficial del Principáu d’Asturies, sedrá l’encargáu de guiar les visites al Cementeriu La Carriona, Cascu Históricu y Llaranes. L’actividá ye de baldre, con aforu llimitáu y ha reservase primero la plaza y ye obligatorio usar mázcara. Otru añu más, la Estaya de la Llingua d’Avilés entama’l ciclu de visites guiaes CaleyAvilés, pa que les persones participantes puedan descubrir caleyando y en llingua asturiana dalgunos de los requexos más emblemáticos de la ciudá. El programa tien tres visites guiaes, de baldre, un vienres al mes, ente xunetu y setiembre, a cargu de Denis Soria Fernández, guía oficial del Principáu d’Asturies. Nes visites, que son de baldre, podrán participar como muncho 15 persones, que tendrán d’apuntase primero y usar mázcara. Neños y neñes tamién podrán dir, pero siempre cola compañía d’una persona adulta. La reserva de places pue facese pel teléfonu llamando al 985 545 508, mandando un whasap al 634 821 613 o escribiendo un corréu electrónicu a estayallingua@aviles.es La primer actividá del añu llevará a los y les participantes a conocer el Cementeriu La Carriona. Sedrá’l 24 de xunetu a les 19.00 hores y nella va afondase na historia d’esti espaciu diseñáu a lo cabero’l sieglu XIX pol arquiteutu Ricardo Marcos Bausá. La so gran importancia histórico-artística llevólu a tar dientro de l’ASCE (Association of Signicant Cementeries in Europe). El puntu d’alcuentru sedrá la entrada al Centru d’Interpretación del Cementeriu La Carriona. N’agostu, el vienres 21, sedrá’l momentu d’afondar pa conocer el Cascu Históricu. La visita guiada entamará a les 19:00 hores y el puntu d’alcuentru va ser la Plaza España, delantre la Casa Conceyu. Pa terminar, el 18 de setiembre, a les 19.00 hores, la visita ye al Barriu de Llaranes entrando na historia d’esti conxuntu arquiteutónicu creáu nos años 50 pola empresa siderúrxica ENSIDESA p’agospiar a los trabayadores que llegaben a trabayar a Avilés coles sos families. El puntu d’alcuentru sedrá la Plaza Mayor de Llaranes, delantre’l reló. Calendariu de visites Vienres, 24 de xunetu, 19.00 hores. Cementeriu La Carriona. Puntu d’alcuentru: entrada al Centru d’Interpretación del cementeriu La Carriona Vienres, 21 d’agostu, 19.00 hores. Cascu históricu. Puntu d’alcuentru: Plaza España, delantre la Casa Conceyu Vienres, 18 de setiembre, 19.00 hores. Barriu de Llaranes. Puntu d’alcuentru: Plaza Mayor de Llaranes, delantre’l reló 0 FacebookTwitterPinterestEmail Anterior Guayominí Producciones presenta nel CCAI de Xixón ‘Blancanieves XXI’ siguiente Netflix sigue creciendo metanes la pandemia Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...