La Nueche Europea de los Investigadores celebrose con éxitu n’Uviéu, Xixón y Avilés

Entamada pola Universidá d’Uviéu en collaboración col Conceyu tuvo llugar esti vienres 27, de 18 a 22 hores, n’Uviéu, Xixón y Avilés, la Nueche Europea de los Investigadores con actividaes lúdiques pal fomentu de les vocaciones científiques ente los más mozos.

Uviéu y Xixón repitieron l’éxitu d’otros años y Avilés algamó na Antigua Pescadería (plaza de Santiago López) l’éxitu d’esta convocatoria. A les 19 hores l’alcaldesa Mariví Monteserín y la conceyala de Cultura, Yolanda Alonso, asistieron al desenvolvimientu de les actividaes, que cuntaron con esperimentos en vivu ya intervenciones cada 45 minutos.

L’oxetivu d’esta Nueche Europea de los Investigadores ye impulsar la divulgación científica averando a la población el llau más humanu de los y les investigadores fízose al traviés de talleres y actividaes práctiques que tuvieron como elementu común el so calter cercano y risondero,  coles mires d’atraer tamién l’atención de los más pequenos.

La see avilesina acoyía, como les otres dos la instalación de 9 ‘stands’ temáticos,y  amás un concursu de dibuxu y la campaña de recoyida de dientes “Ratón Pérez”. En paralelu, repartiase l’álbum de cromos “La Lliga de la Ciencia”, que los participantes van poder completar con cromos que van llograr en cada unu de los ‘stands’.