Portada Conceyos La Nueche blanca n’Uviéu va tar enllena d’actividaes esti 2 d’ochobre

La Nueche blanca n’Uviéu va tar enllena d’actividaes esti 2 d’ochobre

by redacción asturnews

Uviéu va celebrar esti 2 d’ochobre la Nueche Blanca con un programa compuestu por 43 actividaes nes que participa un centenar d’artistes. Equí tán toles actividaes de la Nueche Blanca d’Uviéu.

Basílica de San Juan el Real

De 22.00 a 2.30 hores. EXO, una instalación audiovisual inmersiva que se presenta como un diálogu ente un grupu d’entidaes cósmiques.

Auditoriu Príncipe Felipe

De 18.30 a 19.30. Na sala de cámara, “Estrelles sonores”, un espectáculu de teatru de solombres con música en directu.
De 20.00 a 21.00. Conciertu de la OSPA, con un programa con obres de Barbe, Sibelius y Tchaikovsky y nel que se va estrenar “Breath”, de Saúl Gómez.
De 21.30 a 22.45. Na sala de cámara, Antonio Gamoneda + Cova Villegas & “Delta galgos”: “Blues castellanos”. Música y poesía.

Fábrica d’armes de la Vega

De 20.00 a 1.00. Na nave M1, música electrónica esperimental. Participen “Chapa ondulada” y Sasha Smirnova, “CRUHDA” y Judith Adataberna y “JASSS”.

Teatru Campoamor

De 21.00 a 21.30. Nel antepar, interpretación de delles de les aries de “La flauta máxica” pela sopranu Mar Morán y el baxu Luis López con Mario Álvarez al pianu.

Patiu del edificiu históricu de la Universidá d’Uviéu

De 19.00 a 24.00. “Fiebre d’aldega”, un festival de ceadores de distintes xeneraciones con actuaciones en vivu en formatu acústicu, sesiones de dj, vídeos…

Teatru Filarmónica

De 20.00 a 22.15. El compositor Olivier Arson interpreta en directu, sobro la proyección, la banda sonora de “El reinu”.
De 23.00 a 24.00. IGOR musicalizará en directu la banda sonora de les cintes de Georges Méliès “20.000 llegües de viaxe submarín”, “L’home de les mil cabeces”, “La casona del diañu” y “Viaxar a la lluna”.

Antigua see de Banesto (Marqués de Santa Cruz esquina Cabo Noval)

De 21.00 a 00.30. “Banca electrónica”, xuna propuesta de VESU que conxuga música electrónica y proyección de material audiovisual.

Catedral d’Uviéu

De 20.30 a 21.30. Conciertu didácticu de música gregoriana.

Edificiu Trascorrales

De 20.00 a 21.00. “Snap bitch! Voguear el dolor”, performance.

Plaza de la Catedral

De 18.00 a 22.00. Pianu carrusel. Un pianu suspendíu a 4 metros d’altor va sonar al ritmu de góndoles feches de preseos.

Biblioteca del Fontán

Dos pases, a les 18.00 y a les 19.00. Cuentacuentos. La Pirata Escarlata y el polizones del barcu “El malasombra qu’abluca”.

La casona Campumanes

De 20.00 a 24.00. “Feria”, xuna recreación de les feries ambulantes que percorríen les ciudaes a principios del sieglu XX presentáu tou tipu d’entretenimientos.

Colexu d’Arquiteutos d’Asturies (Marqués de Gastañaga, 3)

De 20.00 a 1.00. Poética estructural. Xuna instalación destinada a recordar la importancia de la emoción nos escenarios visuales que percorremos a diariu.

Plaza del paragües

De 21.30 a 00.30. Música y light paintin con David Longoria y Frodo Álvarez.

Salón d’actos del campus del Milán

De 22.00 a 23.30. Conferencia-concierto na que se va amosar cómo se reflexa na música popular lo que Homero cuntó na Odisea. “Los Commodoros” van ser los intérpretes.

451 (Mon, 26)

De 20.00 a 24.00. Performance de “Miss beige”.

Sala d’esposiciones de LA NUEVA ESPAÑA

De 19.30 a 24.00. Esposición “Camino Primitivu. Uviéu”, esposición qu’esplica la nacencia la vía santa.

Muséu arqueolóxicu

De 20.00 a 1.00. Soledá Córdoba presenta “Espayar”, xuna pieza multidisciplinar qu’entiende video, xuna instalación y xuna serie fotográfica.

Galería Guillermina Caicoya

De 20.00 a 24.00. Amuesa con trabayos del artista cubanu Carlos Garaicoa.

Canóniga 16 (Corrada del Obispu)

De 20.00 a 24.00. Hermun, un proyectu de Begoña Muñoz que que espacializa secuencialmente rexistros visuales d’Uviéu n’otru tiempu.

Muséu Belles Artes

De 20.00 a 1.00. Visita a la colección permanente del edificiu de l’ampliación.

Muséu arqueolóxicu

De 20.00 a 1.00. Visites empuestes al muséu arqueolóxicu.

Delegación de Defensa (plaza d’España)

De 20.00 a 1.00. Visita a la esposición del patrimoniu de la Fábrica de la Vega). Pases cada media hora.

See del Banco Sabadell (Fruela, 11)

De 21.00 a 23.30. van realizase cinco pases a la colección d’arte del Banco Sabadell. Ye necesaria inscripción previa en josecasoroizgmail.com.

Sala de exposición Banco Sabadell-Herrero (Suárez de la Riva, 4)

De 17.00 a 1.00. Visites a la esposición “AlNorte”. Ye necesaria inscripción previa en promocionculturalasturias.org.

Cámara de Comerciu d’Uviéu

De 18.30 a 19.45. Scape room en redol a un ciberataque a la Cámara de Comerciu pa neños de 8 a 15 años. Ye necesaria inscripción faciendo click equí.

Colexu oficial d’abogaos d’Uviéu

De 19.00 a 21.00. “Queríes vieyes”, xuna conferencia performativa na que María Gimeno inclúi a les muyeres artistes nel manual Hestoria del Arte de Y. H. Gombrich.
De 20.00 a 1.00. “White viewer”, instalación videográfica nel interior del espaciu arqueolóxicu del colexu.

Galería Arancha Osoro

De 20.00 a 1.00. “El silenciu nel tiempu”, tercer trabayu discográficu del grupu “Loson”, va presentar con una propuesta espositiva conceptual que xune distintes formes artístiques, arte visual interactivo y lliteratura, cine y música en directu.

Pasadizo soterrañu de la Caleya de la Ciega

Dos pases, a les 22.00 y a les 23.00. Performance al cargu de Izar Gayo.

Decero creativu (Martínez Vigil, 8)

De 21.00 a 24.00. “Romances ensin palabres”. Instalación site-specific que combina fogorafía con colax dixital con semeyes de muyeres compositores.

Galería Llucía Dueñes

Dos pases, a les 20.00 y a les 21.00. “Par -yos artistes” interpreten y dan a conocer a les artistes Camille Claudel y Suzanne Valadon.

D4 Interiorismu (Caveda, 2)

De 20.00 a 1.00. “Campos d’intersección. Arte y Moda II”, xuna propuesta en redol a la relación recíproca qu’esiste ente la moda y les artes visuales,

Plaza del Conceyu

De 23.00 a 23.30. “Lo que nun queremos oyer (La mordaza)”, performance de Tamara Albotros.

Sala Borrón (Juan Benito Argüelles, 3)

De 21.00 a 1.00. 31 ª. Amuesa d’artes plástiques del Principáu d’Asturies.

Tamién te podria gustar