La NBA ‘ficha’ al artista de Xixón Edgar Plans

La NBA ‘ficha’ al artista de Xixón Edgar Plans
20 xunu 13:47 2022 Imprimir

Edgar Plans acaba ser escoyíu pola na NBA, porque l’artista xixonés robla ‘I love this game!’, la esposición que va conmemorar en China’l 75 aniversariu de la competición de basket más estelar del planeta.

Foi en 1946 cuando la NBA nacía nel Hotel Commodore de Nueva York. Y foi va un añu cuando la marca oficial de la National Basketball League contactó col estudiu del artista xixonés pa encarga-y el proyectu de conmemoración de so 75 cumpleaños, onde los sos característicos personaxes se enfundan la camiseta d’equipos como los Lakers y los Bulls. Un proyectu nel que collaboren multinacionales como Nike, PlayStation y Wilson y nel que Plans lleva trabayando dende entós al pie de Misha Made Art Project y Coexist Creations.

“Por cuenta de la pandemia, hubo qu’esperar hasta l’últimu momentu para concretalo. Y más, coles restricciones que s’apliquen en China”, esplicaba esti día l’artista sobro les dificultaes que s’atoparon pa echar a rodar el proyectu, anque’l xixonés yá ta en condiciones de confirmar que l’amuesa va abrir les sos puertes el próximu 24 de xunu en Shenzhen (al sureste del xigante asiáticu), onde va permanecer hasta’l 20 de setiembre.

Anque nun va ser esta moderna metrópolis que conecta Hong Kong col territoriu continental el so únicu allugamientu, sinón que se concibió como una celebración itinerante. Un percorríu qu’entá nun ta dafechu definíu, porque “va depender del estáu de les ciudaes chines al respective de la so situación col covid”.

  Categories: