La muyer tres les cámares destaca na programación del Cine de los Martes

La presencia femenina tres les cámares destaca na  programación del Cine de los Martes hasta xunu de la que toles proyecciones van tener llugar nel Auditoriu de la Casa de Cultura los martes a les 20:15 hores en VOSE. Tán programaes nueve películes de seis nacionalidaes distintes, nun ciclu qu’algama una media d’espectadores per sesión de 242 persones.

Esti martes 2 d’abril arrinca la nueva programación del Cine de los Martes. Nesti nuevu períodu, que se va estender hasta’l mes de xunu, tán programaes nueve películes de seis países distintos.

El segundu ciclu de 2019 empieza cola proyección de la película británica Beast, de Michael Pearce. A esta película suman otros 8 títulos con numberosos galardones y nominaciones en diversos festivales internacionales.

Nueve películes con enorme carga autoral y diversidá temática, dende’l biopic al drama social, pasando pol romance y el cine documental. Un cartelu nel que destaquen les muyeres detrás de les cámares, con nomes como Karyn Kusama (nel Cine de los Martes yá se proxectó’l so opera prima “La Invitación), Nadine Labaki, Marielle Heller (con una de les películes que más destacaron anguaño nes nominaciones de los Oscar), Sara Colangelo o Pernille Fischer.

Les entraes para caúna de les películes tienen un preciu únicu de 3 euros. Van Poder adquirise na taquilla de la Casa Municipal de Cultura, n’horariu de llunes a vienres, de 11:00 a 14:00 y de 18:00 a 21:00 hores, y los sábados, de 11:00 a 14:00 hores.

El públicu d’El Cine de los Martes sigue siendo fiel a la cita cinematrográfica, que nel anterior trimestre de xineru a marzu vendió un total de 2172 entraes, lo que supon unos 242 asistentes per sesión. La película que rexuntó a un mayor númberu d’espectadores foi “The Old Man and The Gun”, proxectada’l martes 19 de marzu, con 331 asistentes.

Puedes consultar equí la programación completa ampliada.