Portada Conceyos La muyer nel anarquismu español aporta al Antiguu Institutu

La muyer nel anarquismu español aporta al Antiguu Institutu

by redacción asturnews

El Centru de Cultura Antiguu Institutu de Xixón tien abierta hasta’l domingu 19 de Mayu una esposición sobro la muyer nel anarquismu español que va poer visitase de llunes a vienres de 9 a 21,30h, los sábados de 10 a 14 y de 16 a 21 hores y los domingos y festivos de 10 a 14.

Na esposición, faise un percorríu polos sieglos XIX, XX y XXI, a lo llargo de ventinueve paneles arrexuntaos en seis bloques de distintos colores.

El primer bloque, de color coloráu, dedicase a lo que denominen Les Pioneres, esto ye, muyeres del sieglu XIX hasta la constitución de CNT en 1910. La segunda etapa, de color verde, denominada Muyeres del movimientu llibertariu, inclúi muyeres militantes del movimientu llibertariu (CNT, JJLL). La tercer etapa, de color azul, ta dedicada al movimientu Muyeres Llibres, la gran propuesta organizativa anarcofeminista. La cuarta etapa, etiquetada como Milicianes ya Internacionalistes, recueye biografíes de muyeres internacionalistes que sofitaron y militaron nel movimientu llibertariu y la llucha de la muyer. La quinta etapa, dedicada al Esiliu y representada con el color gris, integrar biografíes de muyeres, dalgunes d’elles vivas nel día de güei. Y d’últimes la sesta etapa, La Transición y Reconstrucción, representada con el color violeta, na qu’estremamos dos subetapas: Muyeres llibertaries y Muyeres güei. Con ilustraciones orixinales de l’artista Isabel Ruiz.

 

Tamién te podria gustar