ConceyosMúsica La música llírica abre la Programación Cultural Agostu 2020 n’Avilés by redacción asturnews 7 d'agostu, 2020 written by redacción asturnews 7 d'agostu, 2020 1,4K Esti vienres 7 d’agostu, a partir de les 21 hores, la música llírica abre la Programación Cultural Agostu 2020 n’Avilés. La Programación Cultural Agostu 2020 n’Avilés echa a andar cola actuación de música llírica que la soprano Patricia Martínez y el pianista Rubén Díez van llevar a cabu güei vienres 7, a partir de les 21 hores, na campa de la ilesia de San Nicolás de Bari. La soprano Patricia Martínez y el pianista Rubén Díez van interpretar un repertoriu de 20 pieces na campa de la ilesia de San Nicolás de Bari. Va habilitase una cortil con aforu llindáu nel que’l públicu va permanecer sentáu guardando toles midíes de seguridá. Les invitaciones gratuites pueden adquirise na páxina web https://invitacionesavilescultural.es/ o na taquilla de la Casa de Cultura, apurriendo los datos personales y de contactu Podrá asistise a esti conciertu de manera gratuita previa presentación d’invitación personal ya intransferible, que yá puede solicitase tantu na páxina web https://invitacionesavilescultural.es/ como na taquilla de la Casa de Cultura. El públicu va permanecer sentáu nos asientos dispuestos, garantizándose en tou momentu’l cumplimientu de les midíes sanitaries contra’l COVID-19: cortil acutada, distancia ente sielles, usu obligatoriu de mázcaros y de xel hidroalcohólico, toma de temperatura, rexistru d’asistentes, control d’accesos, etc. Patricia Martínez García y Rubén Díez van interpretar un repertoriu formáu por 20 pieces ente les que figuren dellos cantares pertenecientes a bandes sonores de películes como Sorrises y Llárimes, Un americanu en París o La bella durmiente, ente otres. Van Sonar composiciones de Carlos Gardel, de George Gershwin o del apocayá fináu Ennio Morricone. Dambos músicos volverán actuar el vienres 28 d’agostu, nesta ocasión con un repertoriu distintu, anque nel mesmu llugar y a la mesma hora: a partir de les 21 hores, na campa de la ilesia de San Nicolás de Bari. Tamién ye posible llograr yá les invitaciones pa esti recital al traviés de los medios antes citaos. De la mesma, yá ye posible tamién llograr invitaciones pa los dos conciertos de música de cámara que’l Tríu Zebaze va interpretar nel claustru de la ilesia de San Nicolás de Bari. Va Ser tanto’l xueves 27 como’l vienres 28 d’agostu, a les 20 hores. 0 FacebookTwitterPinterestEmail Anterior ‘Mulan’ va saltase la mayoría de los cines y va vese por ‘streaming’ siguiente El programa cultural d’agostu n’Avilés inclúi eventos seguros de pequenu formatu Tamién te podria gustar Iniciativa pol Asturianu y Barbón desixen a Adif... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient Ventanielles y Guillén Lafuerza van ser una “Fábrica... La Banda Gaites de Castrillón ufrió’l so repertoriu... Fitoria torna nueve años depués a brillar en...