Portada Comunicación La música asturiano despide a Aurelio Argel como lo que yera: un paisano

La música asturiano despide a Aurelio Argel como lo que yera: un paisano

by redacción asturnews

La música folk asturiano despidió como se merecía a ún de los sos cronistes más nomaos, Aurelio Argel, que nos dexa a los 55 años por sorpresa tres d’una llarga carrera como críticu y productor musical. Argel amosó’l reconocimientu de la Asturies vivo qu’esti domingu dexó bien a les clares que lu consideraba amás un paisanu de la cabeza a los pies.

Aurelio Argel, unu de los más nomaos cronistes de la música folk n’Asturies tantu nos medios impresos como radiofónicos , foi despidíu esta tarde col acompañamientu de gaita de munchos de los gaiteros colos que vivió los meyores momentos del folk asturianu tantu nel país como en Lorient y otros llugares de la xeografía musical internacional. Na ilesia de San Pedro de Ferreros, en Sotu de Ribera, la tarde d’esti domingu 20 de mayu camudó en serenu y sentíu homenaxe de toa una xeneración de músicos y xente del mundu la cultura asturiano cola que Argel siempre amosó la so bonanza de paisanu asturianu.

Más de trenta gaiteros y gaiteres, con xente como José Manuel y Javier Texedor, Vicente Prau “El Pravianu”, Iñaki Santianes, Pedro Pangua, Berto Banielles y dellos otros y otres acompañaos al tambor por Eva Texedor, recibieron el féretru colos restos de José Aurelio García Arxel. Y ficiéronlo siguiendo los deseyos de la familia que fizo alcordanza de qu’Aurelio deseyaba que na so despidida sonara la Marcha d´Antón el neñu”. Tamién sonsó nel internu de la Ilesia’l canciu que Tejedor compusiera pa Gael, la fia d’Aurelio, y que sirvió cásique 25 años pa presentar el programa que fizo popular en Radio Asturias nesti caberu cuartu de sieglu, “Música para raptar princesas”.

Dende esta fin de selmana, Aurelio Argel tien una entrada na wikipedia asturiana onde s’amuesa so curriculu musical ya periodísticu:

Aurelio Argel (11 de mayu de 1963Soto Rei – 19 de mayu de 2018Uviéu), foi un periodista asturianu, críticu musical ya impulsor d’iniciatives nel campu de la música folk.

Trabayó en medios como Radio Asturias-Cadena SER, los 40Princiales, La Voz de Asturias, La Nueva España o’l periódicu Les Noticies, amosando siempre’l so compromisu col usu del asturianu, con iniciatives como los sos programes Música para raptar princesasy El Ruxideru o siendo xuráu del Liet International (l’Eurovisión de les llingües minorizaes) o del programa de la TPA, Cantadera. Foi autor del informe que permitió que pese a la falta d’oficialidá del asturianu, l’Academia de las Ciencias y las Artes de la Música, creara un premiu al meyor tema n’asturianu, como yá teníen les demás llingües del estáu. En 2013recibió’l Premiu Fini Suárez [1] pol so llabor en favor de la música tradicional asturiana.

Tamién te podria gustar