La muerte de Bowie a los 69 años anunciase peles redes sociales

David Bowie, la llexendaria estrella del rock de 69 años, morrió ayeri en Nueva York, víctima del cáncer nuna sorpresiva conclusión de la llucha na que venía desenvolviendo dende hai 18 meses.

Asina s’anunciaba, escontra les 7.30 d’esta mañana, nos perfiles oficiales del artista en Facebook y Twitter: “David Bowie morrió en paz güei arrodiáu de la so familia, dempués d’una valiente llucha de 18 meses contra’l cáncer. Mientres munchos de vós vais compartir la perda, pidimos respetu a la privacidá de la familia mientres el so tiempu de dolor”.

La noticia foi confirmada pocu dempués, tamién en Twitter, pol so fíu, el director de cine Duncan Jones: “Llamentu enforma y atristáyame dicir que ye verdá”, escribió. El representante del artista confirmó tamién la noticia, según dellps medios británicos.

Ye la primer vegada qu’una noticia d’esti altor nel mundu del espectáculu s’ufre namái qu’al traviés de les redes sociales.