Portada Educación La metá de Primaria sigue programes d’educación billingüe

La metá de Primaria sigue programes d’educación billingüe

by redacción asturnews
Foto: karenleephotography.biz (https://www.flickr.com/photos/karenlee_galleries/)

Asturies ye la comunidá con mayor porcentaxe d’alumnáu en programes billingües, tanto en Primaria (51%) como en Secundaria (28%), según l’informe sobro la enseñanza de llingües estranxeres demientres el cursu 2015-2016 ellaboráu pol Ministeriu d’Educación.

La mayor crecedera d’esti programa rexistrose a partir del cursu 2006-2007, al pasar de la participación de quince centros educativos a los 217 del últimu añu académicu. “Na actualidá, atopamos una situación estable, con un aumentu añal de dos o trés centros y prevemos que se ta llegando al techu”, esplicaba esta selmana pasada nun comunicáu’l director xeneral d’Ordenación Académica ya Innovación Educativa, Francisco Llaviana.

El programa billingüe empezó n’Asturies en 2004 de forma esperimental. Anguaño, caltiense xuna proporción similar na implantación del programa en centros públicos y alcordaos. La Conseyería d’Educación y Cultura realizó cuatro estudios independientes p’analizar les resultancies del programa billingüe y constató que nel 75% de los casos estes enseñances cuerren al cargu de profesoráu estable o definitivu y que l’aprendizaxe de les materies non llingüístiques n’idioma estranxeru nun se resiente.

Tamién te podria gustar