‘La máquina de Turing’ trai más teatru al Xovellanos

‘La máquina de Turing’ trai más teatru al Xovellanos
30 xunetu 09:17 2021 Imprimir

Inspiráu na obra de Hugh Whitemore, BREAKING THE CODE, basáu de la mesma en ALAN TURING: THE ENIGMA de Andrew Hodges ye l’espectáculu  que trai esti sábadu 31 al Xovellanos Producciones Teatrales Contemporáneas.

Cola dirección y adaptación de Claudio Tolcachir y colos actores Daniel Grao y Carlos Serrano, La máquina de Turing ye una adaptación teatral de la que van poder disfrutar los aficionaos de Xixón esta fin de selmana nel Teatru Xovellanos.

Manchester, 1952. En sufriendo un robu na so casa, el profesor Turing presenta una denuncia na comisaría, fechu que nun escapa a los servicios secretos; y por una bona razón, pos Alan Turing ye l’home que descifró’l códigu nazi “Enigma”, que el alemanes utilizaben mientres la guerra para para cifrar los sos mensaxes. El sarxentu Ross afaya a un home atípicu y encantador del que se fai amigu. Pero Alan Turing va ser condergáu por homosexualidá y finalmente va suicidase.

La Hestoria ye inxusta. La posteridá intenta nun selo, pero, ¿podemos tar seguros de qu’ésta nun crea nueves inxusticies? La vida de Alan Turing ye, sía que non, un exemplu de la represión d’un xeniu, inclusive dempués de fae-y un gran serviciu al so país, Inglaterra, y a toos aquellos que taben siendo atropellaos o amenaciaos pola barbarie nazi. Turing ye unu de el inventores del ordenador, gracies a la so “máquina” que, dende 1940, efectuaba cálculos imposibles para la intelixencia humana. Coles mesmes ye unu de los héroes de la llucha contra l’enemigu, yá que supo atayar les estratexes de cifráu de la marina alemana. Vitoreado poles autoridaes – Churchill, la reina d’Inglaterra-, camudó progresivamente la so estatus d’héroe pol de feltrón. Yera homosexual, y según la llei inglesa de la dómina la homosexualidá yera un crime.

Más información

  Categories: