La Llosa d’Uviéu acueye hasta’l 16 de marzu la esposición ‘Romanorum Vita’

La Llosa d’Uviéu acueye hasta’l 16 de marzu la esposición ‘Romanorum Vita’
09 febreru 09:01 2017 Imprimir

El conceyal de Cultura y presidente de la Fundación Municipal de Cultura, Roberto Sánchez Ramos, inauguró hai unos díes la esposición  ‘Romanorum Vita’, entamada y producida pola Obra Social “la Caixa” qie va tar abierta en La Llosa hasta’l 16 de marzu. Más de 100 asociaciones y colexos van visitar l’amuesa.

Na presentación d’ésta amuesa itinerante participaron la semana pasada la comisaria de la mesma y catedrática d’Arqueoloxía de la Universidá Autónoma de Barcelona, Isabel Rodá, y la directora d’Área de Negociu de CaixaBank n’Uviéu, Marta Miranda.

Sánchez Ramos animó a los uvieínos a visitar esta exhibición y alabó’l  “fuerte compromisu” de la entidá con “la cultura na ciudá d’Uviéu y n’Asturies”. Miranda, pela so parte, inidicó que la esposición yá tien cubiertu un 72% del cupu de places de vistes pa un centenar de colexos y asociaciones.

Del 2 de febreru hasta’l 16 de marzu podrá visitase la carpa instalada na Plaza d elos Ferroviarios (la Llosa) de llunes a vienres de 12:30 a 14:00 h y de 17:00 a 21:00 h. Los sábados, domingos y festivos de 11:00 a 14:00 h y de 17:00 a 21:00 hores.

‘Romanorum Vita. Una hestoria de Roma’ ye un proyectu de divulgación histórica pa tolos públicos de la Obra Social “la Caixa” que dexa conocer la vida cotidiana de los habitantes d’una ciudá del Imperiu Romanu. Ye una esposición itinerante que te convida a pasiar por una cai y visitar una domus. La esposición allúigase nel añu 79 d. C, en plena dómina imperial y poco primero de la destrucción de Pompeya. Escenografíes, proyecciones audiovisuales y testos informativos compleméntense con elementos sonoros ya inclusive golores, configurando asina una esperiencia innovadora.

  Categories: