La llocalidá vasca de Getxo va acoyer una nueva edición de la “Folixa Asturriana”

by asturnet | mayo 26, 2008 7:52 am

[1]

L’Iztulbalzeta Gaztetxea va entamar un añu más la “Folixa Asturiarra”, un alcuentru ente los movimientos nacionaliegos d’Asturies y el País Vascu. La edición d’esti añu va ser el 7 de xunu y nel conciertu que va celebrase van participar los grupos asturianos Skama la Rede, Chalaneru Sound System y K-Nalón.

La xornada vascoasturiana va entamar a les doce y media la mañana, cuando la delegación asturiana va ser recibida n’Erromo, onde los anfitriones vascos van facer un actu de bienllegada. Darréu, a la una la tarde, va entamar un “gaitapoteo” dende’l Gaztetxe y a les trés y nedua ka tarde va ser el momentu pa una xinta popular.

La tarde va protagonizala, a les seis, un pasacais con gaiteros que van percorrer les cais d’Erromo pa dempués, a les 20 hores, asistir a la “Preba de Sidra” que se celebrá enantes del actu central del alcuentru, el conciertu nel que participen los trés grupos asturianos yá citaos.

Endnotes:
  1. [Image]: http://asturnews.com/bancofotos/fotos/2/3882.jpg

Source URL: http://asturnews.com/la-llocalida-vasca-de-getxo-va-acoyer-una-nueva-edicion-de-la-%c2%93folixa-asturriana%c2%94/