‘La Lliga de la Xusticia de Zack Snyder’ llega a HBO España

L’estensu y bien esperáu nuevu montaxe de Zack Snyder de La lliga de la xusticia (2017) de cuatro hores de duración, yá ta disponible en HBO España, al algame del públicu interesáu bunu de los culebrones más estravagantes del Hollywood recién.

Snyder dirixió esta ambiciosa película que diba xuntar a tolos superhéroes de les películes de DC Comics, como fixo Marvel nes cintes sobro los Vengadores. Sicasí, Zack Snyder y la so esposa Deborah Snyder, que ye productora en tolos sos filmes, tuvieron qu’abandonar el proyectu na so última fase debíu al suicidiu de la so fía Autumn. Foi entós cuando Joss Whedon (“Buffy, cazavampiros”, 1997-2003) incorporóse entós como sustitutu, pero la resultancia foi un absolutu despropósitu. Whedon rodó un montón d’escenes nueves, camudó’l tonu a un pastiche que nun yera nin cómicu nin épicu, la cinta estrellose na taquilla y, amás, l’actor Ray Fisher acusólu de comportamientu abusivu nel set.

A partir d’ende empezó a estendese ente los fans la idea de que la visión de Snyder pa La lliga de la xusticia malvárase y esixeron que s’estrenara’l so propiu montaxe de la película. La terrible campaña ReleaseTheSnyderCut tomó forma n’internet, con dellos llamentables episodios d’acosu nes redes, y finalmente Snyder confirmó que’l suañu de el so siguidores fadría realidá en HBO Max.

La Lliga de la Xusticia de Zack Snyder, pol so títulu completu, caltien l’elencu orixinal: Ben Affleck, Gal Gadot, Henry Cavill, Jason Momoa, Ezra Miller y Ray Fisher. Pero a lo llargo de les sos cuatro hores (la orixinal duraba dos), Snyder diose’l caprichu de meter nuevos villanos, trames distintes y personaxes sorprendentes (el Joker de Jared Leto nun apaecía na primer película), too embadurnado d’un tonu ampulosu, babilónicu y apináu de esteroides que va namorar a los fans de 300 (2006) y que va axorizar a quien busque un mínimu de sotileza.