La llibrería más guapa del mundu ta morriendo d’ésitu

by redacción asturnews | enero 9, 2018 8:58 am

Un gran porcentaxe de los viaxeros qu’escueyen Porto como destín tienen en mente visitar la Llibrería Lello, pero esta fama podría tar xenerando problemes pa cola llibrería probablemente más guapa del mundu que cada vegada tien más turistes de visita.

Resulta interesao, anque gratificante, qu’un llugar d’estes característiques colarase ente los principales monumentos d’interés públicu de la ciudá. Pero cuando’l visitante traviesa les puertes de la fachada neogótica y contempla la so pimpana escalinata de madera puede llegar a entender el porqué.

Foi nesti llugar onde la escritora J.K. Rowling atopó parte de la inspiración pa crear la popular saga Harry Potter, pos la biblioteca de Hogwarts atopa’l so antecedente en Lello. Un datu que, desque se popularizó, atraxo a miles de fans de too el mundu, hasta’l puntu de llegar a más de 3.000 visitantes per día. Como nun podía ser otra manera, los exemplares que más vienden son los de la saga del mozu magu, “especialmente Harry Potter y la piedra filosofal”, cuenta José Manuel Lello, bisnietu d’unu de los hermanos fundadores.

L’ésitu del emblemáticu llugar ye tal que los sos dueños acabaron teniendo que poner un preciu a la entrada coles mires de “regular el fluxu de turistes y tresformalos en llectores”, esplica. Y ye que non tol qu’allega a esti templu de la llectura acaba mercando un llibru. Por ello, la familia Lello pensó en motivar la merca descontando del preciu del llibru los cuatro euros que val la entrada. Sicasí, magar qu’apocayá más de dos años que se llevó a cabu dicha midida, apenes pueden contenese les hordes de turistes. Les idíliques semeyes de les guíes turístiques nes que solamente apaecen una o dos persones nel so interior, llueñe tán de paecese a la realidá.

Nun entamu, tratose de prohibir faer fotografíes de cualquier tipu, pero acabó comprobándose qu’esto yera daqué bien malo de controlar. Finalmente, optose por apurrir un folletu na entrada nel que, amás d’esplicar la rica hestoria qu’envolubren les cuatro parés, encamiéntase dexar en casa los palos selfie y esfrutar del templu de les lletres.

La masificación, más presente si cabi nos díes festivos, ye l’únicu puntu débil qu’escuende’l preciáu llugar. Asina lo piensa gran parte de los usuarios de webs como Tripadvisor, que, per un sitiu, reconocen que tán énte un llugar realmente bellu, pero, por otru, aseguren que n’hores punta pue aportar a ser agobiante.

Source URL: http://asturnews.com/la-llibreria-mas-guapa-del-mundu-ta-morriendo-desitu/