ConceyosEscéniques “La Llamada” cuelga’l cartelu de “nun hai billetes” pa sos dos úniques representaciones n’Asturies, nel Teatru Palacio Valdés by asturnet 18 d'ochobre, 2019 written by asturnet 18 d'ochobre, 2019 166 “La Llamada” tien dende hai díes colgáu’l cartelu de “nun hai billetes” pa sos dos úniques representaciones n’Asturies, nel Teatru Palacio Valdés, esti sábadu, 19 d’ochobre n’Avilés, a les 19 y a les 21 hores. Creáu por Javier Ambrossi y Javier Calvo, “Los Javis”, atrapó a la crítica y a tolos públicos, con más d’un millón d’espectadores. Integren l’elencu Nerea Rodríguez, Lucia Gil, Erika Bleda, Mar Abascal y Richard Collins Moore. Más d’un millón de persones vieron “La Llamada” dende’l so estrenu nel 2013. A ellos sumaránse esti sábadu 1.500 espectadores más, los que van enllenar el Teatru Palacio Valdés nes dos úniques representaciones n’Asturies del musical escritu y empobináu por Javier Ambrossi y Javier Calvo, los populares “Javis”. El coliséu avilesín colgó’l cartelu de “nun hai billetes” para les dos sesiones programaes, a les 19 y a les 21 hores. “La Llamada” ye unu de los más grandes fenómenos del espectáculu n’España nos últimos tiempos. Aclamada por crítica y públicu, la masiva respuesta n’Avilés para toa Asturies, coles casi 750 entraes del aforu del Palaciu Valdés escosaes para caúna de les sesiones, en precios que diben de los 15 a los 35 euros, certifica un nuevu ésitu d’esta producción. “La Llamada” yá cunta con adaptaciones en Rusia, México y n’Arxentina, ya inclusive una versión cinematográfica, de 2017. Foi escoyida meyor montaxe teatral polos llectores d’El País, galardonada con 13 premios Broadway World, el Fotogrames de Plata, nominaciones nos premios de la Unión d’Actores, Premiu Llibertái Teatru 2015 pa los sos directores y el premiu al meyor obra teatral Time Out 2017. Integren el repartu intérpretes bien conocíos y de gran esperiencia n’espectáculos musicales, según en programes de televisión de máxima audiencia. 0 FacebookTwitterPinterestEmail Anterior ” Elles, la hestoria de la princesa y la guerrera” proyéctase nun actu entamáu contra’l cáncer de mama siguiente Aporten les Tardes de Danza nel Patiu del CCAI dientru’l programa Danza Xixón 2019 Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Nun Tris abre les Xornaes del Festival Nel... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...