Portada Conceyos La Llaboral estrena n’Asturies ‘Música pa tornar páxaros’ de Mapi Quintana

La Llaboral estrena n’Asturies ‘Música pa tornar páxaros’ de Mapi Quintana

by redacción asturnews

Mapi Quintana presenta per primer vegada n’Asturies Música pa tornar páxaros, la obra que compunxere pa celebrar l’añu d’Asturies nel Festival Intercélticu de Lorient d’esti 2022, nun conciertu que va ufiertar el próximu 3 d’avientu, a les 20:30 hores, nel Teatru de la Llaboral.

Esta obra musical inclúi un repertoriu compuestu especialmente pal conciertu inaugural del Festival Intercélticu de Lorient nel qu’Asturies foi la invitada d’honor, según esplicó esta mañana’l director xeneral de Política Llingüística del Principáu, Antón García, al pie de Mapi Quintana.

La mayoría de les temes tán escritos n’asturianu ya inclúyese un cantar en castellán de l’autora y panderetera vallisoletana Cris Zagaleja. El repertoriu contien principalmente música orixinal, anque tamién s’incluyeron cantares tradicionales de L.lena, conceyu de la mesma Mapi Quintana. Van escuchase melodíes asturianes a trés voces, na que l’harmonía va llevar al públicu a dómines más modernes y estétiques, inspiraes principalmente en música impresionista y jazz. Tamién va haber espaciu para la improvisación, tantu solista como en grupu.

Mapi Quintana va tar acompañada nel escenariu de César Latorre (pianu), Sonia Cartón (voz y sintetizador), María Sanmiguel (voz y violín), Thomas Welvaadt (trompeta) y Juanjo Díaz (percusión). L’arte visual de Marina Durany tamién va tener especial relevancia nesti conciertu, completando estéticamente la escena y representando visualmente les emociones que tresmiten cantar de Música pa tornar páxaros. L’espectáculu rinde homenaxe al sumíu artista Elías García y a toes aquelles persones que se fueron nestos últimos años de pandemia.

Tamién te podria gustar