La Laguna del Torollu va revisar el pop de los 80 nel Filarmónica

La Banda de Gaites La Laguna del Torollu va revisar el pop de los 80 nuna actuación que va ufrir el próximu 8 de xunu nel Filarmónica.

La música de los 80 va inundar al son de la gaita l’escenariu del Teatru Filarmónica d’Uviéu esti vienres próximu, 8 de xunu, de la man de la Banda de Gaites La Laguna del Torollu que ta empobinada pol gaiteru uvieín Iñaki Santianes.

Les gaites van interpretar nel Filarmónica, con entrada de baldre hasta enllenar l’aforu cancios de Raphael, Nacha Pop, Los Secretos, Mecano, Alaska y Miguel Bosé ente otros artístiques de la movida española d’esa década.

La banda de gaites “La Laguna del Torollu” (LDT) ye una formación musical que s’afita na tradición cultural asturiana y entamó allá pel 5 d’ochobre de 2005 en conceyu d’Uviéu. Formada anguaño por 40 miembros que toquen la gaita, el tambor, el bombu o’l timbal, tien como obxetivos cimeros recoyíos nos sos estatutos conservar y promover la música tradicional asturiana, asina como’l uso du los instrumentos musicales tradicionales y la indumentaria tradicional de nueso. Tien participao en numberosos festivales internacionales, como’l de Lorient onde participó na edición de 2016.