Portada Conceyos La Kadarma entama un taller Caxa d’alta tensión “estilu bagad” en Nava

La Kadarma entama un taller Caxa d’alta tensión “estilu bagad” en Nava

by redacción asturnews

Esti añu 2017 na Banda de Gaites LaKadarma tan celebrando’l so quintu aniversariu y una de les coses que vienen faciendo pa celebralo ye entamar delles charres y cursos de formación relacionaos col mundu de la música tradicional y les bandes de gaites, como la que va desenolvese na fin de selmana entrante cola caxa como protagonista.

Dientro d’esta estaya d’aniversariu enmárcase’l taller Caxa d’alta tensión – estilu bagad que tendrá llugar el sábadu 6 de mayu con horariu de 10 a 14h y de 16 a 18h nel llocal d’ensayu de LaKadarma, na AVV de Buyeres – Ovín (Nava).

Trátase d’un cursu prácticu de 6 hores de duración col percusionista bretón Antoine Le Bourc’h (Bagad Kemper) y ta dirixíu a persones que toquen la caxa d’alta tensión nuna banda de gaites y tengan interés en desarrollar la so técnica instrumental asina como conocer un pocu más del enfoque d’esti instrumentu nos bagadoù de Bretaña (aprendizaxe, arreglos, partitures, etc.).
CAXA D’ALTA TENSIÓN – ESTILU BAGAD

CONTENIDOS
> Reglaxe del instrumentu
> Técniques y rudimentos de la caxa d’alta tensión emplegaos na música bretona
> Partitures de música bretona compuestes pa bagad.

DURACIÓN: 6h (10-14h y 16-18h)

PRECIU: 45€

INSCRIPCIÓN: la fecha llímite p’apuntaseye’l LLUNES 1 DE MAYU y podéis facelo nel mail lakadarma@gmail.com.

Tamién te podria gustar