La III Conferencia Internacional sobro Tecnoloxía y Deporte celebrase en Xixón n’ochobre

by redacción asturnews | septiembre 29, 2018 9:29 am

La Federación Europea d’Atletismu (European Athletics) y CTIC Centru Tecnolóxicu entamen la tercer edición de la Conferencia Internacional sobro Tecnoloxía y Deporte AthTech (Athletics Data Conference) na ciudá de Xixón los díes 9 al 11 d’ochobre.

AthTech ye una conferencia de calter internacional que aúna deporte y les tecnoloxíes de vanguardia en respuesta a les necesidaes de los distintos actores que formen parte del ecosistema del deporte de competición, d’ociu y saludable, en constante crecedera gracies al interés social y que se ve impulsáu pol desenvolvimientu de nuevos productos y servicios qu’arriquecen les esperiencies nel deporte, tantu pa deportistes como pa espectadores.

Mientres estos trés díes, mediu centenar d’espertos internacionales van aldericar sobro l’aplicación de tecnoloxíes na industria del deporte y, en concretu, del atletismu. Les sesiones de la conferencia son interactivas y espérase la contribución de los asistentes en temes como la estandarización de vocabularios o sistemes pa representación de datos atléticos (calendariu, atletes, resultancies, etc.), la meyora de los sistemes de xestión de la competición, la xestión de datos nos medios de comunicación, privacidá, procesamientu y visualización de datos, ente otros.

La conferencia ye abierta pa cualquier organización o persona interesada nestes temes. L’axenda ta abierta pa incluyir contribuciones d’espertos locales que sirvan p’acabar de definir unos estándares tecnolóxicos que van ser presentaos mientres la conferencia. Espérase la participación de delegaos de federaciones europees, espertos en tratamientu de datos, fabricantes de dispositivos de cronometraxe, empreses de servicios rellacionaes col deporte, organizadores de competiciones, diseñadores, programadores, y entusiastes del deporte y les tecnoloxíes polo xeneral.

Una de les sesiones va constar d’un ‘showcase’ de tecnoloxíes aplicaes a la organización de competiciones o al entrenamientu d’atletes. Ábrese la posibilidá a cualquier empresa o individuu a presentar idees, productos o servicios qu’ilustren l’impactu de les tecnoloxíes nel deporte, como la meyora de la eficiencia na organización de pruebes deportives o l’analís de los datos pal axuste de los planes d’entrenamientu. Cualquier persona o empresa ta convidada a participar, tanto na serie de sesiones técniques, como nes sesiones que van ser abiertes a tol públicu pa ver y esperimentar en primer persona les tecnoloxíes nel deporte.

Impulsa collabora nesta conferencia amosando’l Movimientu Equilibria, que tien por oxetivu de fomentar los vezos saludables na ciudadanía de Xixón al traviés de l’alimentación, la salú y el deporte, sofitando, garré mesmu, la nacencia y  afitamientu d’iniciatives empresariales nestos campos.

Llea más sobro l’eventu, l’axenda o cómo rexistrase en http://athtech.run[1].

Endnotes:
  1. http://athtech.run: http://athtech.run/

Source URL: http://asturnews.com/la-iii-conferencia-internacional-sobro-tecnoloxia-y-deporte-celebrase-en-xixon-nochobre/