Portada Sociedá La II Xornada d’asistencia personal aborda l’autonomía personal y la sociedá inclusiva

La II Xornada d’asistencia personal aborda l’autonomía personal y la sociedá inclusiva

by redacción asturnews

Esti xueves 27 d’ochobre, na escuela de comercio de Xixón va desenvolvese la II Xornada d’asistencia personal que nesta ocasión va abordar l’autonomía personal y la sociedá inclusiva.

Esta Xornada, quier llamar l’atención sobro los aspeutos claves pa trabayar y garantizar el desenvolvimientu de dichu recursu. Igualmente va faese una revisión de la situación actual ente comunidaes, según les últimes novedaes naquelles que consiguieron regularizar dicha prestación. ECOM-Cataluña con más de 10 años d’esistencia, va apurrir la so amplia esperiencia como entidá cogestora, y beneficiarios y profesionales de l’asistencia personal, pondrán-y voz a la cara interna d’esta prestación.

L’asistencia personal ye un recursu imprescindible para garantizar a les persones dependientes, una atención personalizada qu’apurre autonomía y llibertá, favorez la permanencia na redolada familiar y el desenvolvimientu d’una vida independiente, alloñando ingresos hospitalarios innecesarios.

La inscripción a la Xornada realizase por aciu corréu electrónicu empobináu a:
jornadaasistenciapersonal@predif-asturias.org

Descargar programa de la Xornada

Tamién te podria gustar