La “II Feria Esposiciones y Comerciu d’Uviéu” aporta a La Corredoria

El conceyal de Comercios y Mercaos, Rubén Rosón presentó esti xueves la II Feria d’Esposiciones y Comerciu d’Uviéu que se va celebrar el sábadu 12 y el domingu 13 d’avientu nel mercáu de abastos de La Corredoria.

Según Rosón, con esta iniciativa incentívase la economía de cercanía, de proximidá que precisa d’estes actividaes de dinamización por que per primer vegada “Uviéu mire escontra La Corredoria y non como hasta agora”. Ente otres coses porque va Ser la primer vegada que la instalación tea abierta al públicu, y pueda esfrutase d’esti espaciu que taba zarráu otros años.

La presidenta de l’Asociación de Comerciu de la Corredoria (COMCOR), Charo Álvarez sorrayó que na Feria, na que se van dar cita unos 50 espositores, “va haber un pocu de too, decoración, moda, floristería, cosméticos, confitería, mercería…”  pero tamién “sorteos de viaxes y cheques pa gastar en el espositores” y una gran variedá d’exhibiciones, que van dende demostraciones de baille hasta la técnica de texer coles manos. Tamién va haber programa específicu pa los más pequenos con una discoteca infantil o la llegada de Pá Noel y el Carteru Real.
Esta “II Feria d’Esposiciones y Comerciu d’Uviéu”podrá visitase de 11 a 21 hores de forma ininterrumpida.