Portada Sociedá La I Feria de los Descubrimientos Científicos entama a preparase pa payares

La I Feria de los Descubrimientos Científicos entama a preparase pa payares

by redacción asturnews

La «I Feria de los Descubrimientos Científicos», que va tener llugar en payares d’esti 2017, en dos xornaes y sedes distintes, dientro del marcu d’actividaes de la XVII Selmana de la Ciencia y la Tecnoloxía de la Universidá d’Uviéu, vieno acabante d’abrir el so plazu d’inscripción.

El Vicerrectoráu d’Investigación, al traviés de la Unidá de Cultura Científica y de la Innovación (UCC+i) y la Real Sociedá Española de Física (RSEF) – Sección Local Asturies (www.rsefas.org), cola collaboración de la Fundación Española parala Ciencia y la Tecnoloxía (FECYT) y los conceyos d’Uviéu y Xixón, entamen la «I Feria de los Descubrimientos Científicos», que va tener llugar en noviembre de 2017, en dos xornaes y sedes distintes, dientro del marcu d’actividaes de la XVII Selmana de la Ciencia y la Tecnoloxía de la Universidá d’Uviéu.

L’oxetivu de la Feria ye que los estudiantes de secundaria d’Asturies cunten de primera mano fechos o descubrimientos científicos a otros estudiantes y a la sociedá polo xeneral, por que toos puedan esperimentar, prestase, aprender, investigar, afayar, enseñar, y, sobremanera, esfrutar de la ciencia y la tecnoloxía. La Feria va celebrase en dos díes y dos localizaciones distintes y, según les inscripciones, podrán atopase stands que participen nuna sola o en dambes de les xornaes:

• N’Uviéu (Plaza de Trascorrales), el 14 de noviembre de 2017, entamada en collaboración col Conceyu d’Uviéu.

• En Xixón (Muséu del Ferrocarril), el 17 de noviembre de 2017, entamada en collaboración col Conceyu de Xixón.

Formulariu d’inscripción

Tamién te podria gustar