La Hemeroteca Dixital de Xixón ponse al algame la ciudadanía

La Hemeroteca Dixital de Xixón ponse al algame la ciudadanía
24 avientu 09:34 2018 Imprimir

La Hemeroteca Dixital de Xixón, 331.665 páxines de 23 de les publicaciones más influyentes de la hestoria de Xixón y Asturies, espublícense online y gratuitamente pol Conceyu y pónense darréu nos caberos díes del añu al algamae de la ciudadanía.

Dellos de los noticieros, gacetes y diarios más influyentes na hestoria de la rexón, como El Noroeste (1897-1936), El Principáu (1909-1913) o la Fueya del Llunes de Xixón (1949-1990), y los destacaos boletinos La Revista Industrial Minera d’Asturies (1915-1935) o la Revista Real Sporting de Xixón (1982-1996), tán disponibles dende’l martes 18 d’avientu al traviés de la siguiente dirección: hemeroteca.gijon.es.

Esta ferramienta dixital de consulta de fondos hemerográficos, calteníos pol Conceyu nes instalaciones dela Hemeroteca Provincial, asitiada nel sosuelu de l’Antigua Escuela de Comerciu, empezó a desenvolvese en 2004, y llegó a rexistrar 2.759.247 visitaren la so anterior versión. L’actual ferramienta actualiza y ameyora les sos prestaciones, dexando aportar dende cualesquier parte del mundu y en cualquier momentu a publicaciones que marcaron la hestoria de Xixón y Asturies.

Encamiéntase l’usu de Mozilla Firefox para una óptima visualización.

  Categories: