Portada Conceyos La Grapa Black Music Festival entama con Maxi Mendía como maestru de ceremonies

La Grapa Black Music Festival entama con Maxi Mendía como maestru de ceremonies

by redacción asturnews

Nun actu desenvueltu esta selmana nel parque d’El Muelle, llugar nel que se van desenvolver los conciertos mientres los díes 9 y 10 d’agostu, la Grapa Black Music Festival presentó la so revista y anunció a Maxi Mendía como maestru de ceremonies.

El cantante, actor y showman amenizará les esperes ente actuaciones afatiáu con vestuariu obra de la diseñadora asturiana Maite Capín. Editáronse 2.000 copies de la revista del festival, qu’inclúi un testu de la concejala de Cultura, Yolanda Alonso, ya información de les bandes

El parque d’El Muelle acoyó´l sábadu la presentación de la revista oficial del V La Grapa Black Music Festival, eventu musical que se va desenvolver los díes 9 y 10 d’agostu nesta zona verde de la ciudá. Nel actu participaron la conceyala de Cultura, Yolanda Alonso;  el co-director de La Grapa Black Music Festival, Víctor Velasco; y el cantante, actor y showman Maxi Mendía, quien foi anunciáu como maestru de ceremonies nel festival.

Editáronse un total de 2.000 exemplares de la revista oficial del quintu La Grapa Black Music Festival. Tratase d’una publicación de dolce páxines a tou color na que s’inclúi información detallada de caúna de les 10 bandes que conformen el cartelu, lo mesmo que de los 41 establecimientos collaboradores col eventu, que van ser de la mesma los encargaos de dar espardimientu a esta revista.

Amás, inclúyese un testu de la conceyala de Cultura, Yolanda Alonso, quien destaca que’l festival “cumple cinco años convertíu nun auténticu referente n’España dientro d’un mundu tan apasionante y diversu como la música negra, porque’l soul, el funk o’l rythm and blues formen parte de la cultura global, celebren la llibertá, l’allegría de vivir y tamién canten contra les inxusticies”.

La presentación de la revista del festival sirvió tamién p’anunciar por sorpresa’l nome de la persona que nesta ocasión va exercer de maestru de ceremonies. Tratase del cantante, actor y showman Máximu Mendía San Juan, más conocíu como Maxi Mendía. Cuenta con una llarga esperiencia profesional en dellos campos de les artes escéniques y perteneció a grupos vocales como Inside Voices o Black Light Gospel Choir, a orquestes como Ábanu o Alcatraz, y participó en musicales como Güei non puedo llevantar o We Will Rock You. N’ámbitu teatral participó en representaciones d’obres como El güeyu nel monte, de Juan Mayorga, o’l clásicu de Sófocles Edipo Rei, nel Festival de Teatru de Mérida. Amás, llevó a cabu diverses collaboraciones en publicidá y televisión.

Maxi Mendía va ser la persona encargada de amenizar los intervalos ente les actuaciones de les distintes bandes añediendo al festival un toque de show estilu Funk, caracterizáu con esta estética gracies a les prendes iguaes pola prestixosa diseñadora de moda Maite Capín. Directora de casting, producción y vestuariu, l’asturiana Maite Capín trabaya anguaño pa rodaxes de canales como HBO, Netflix o Movistar, amás de collaborar con producciones asturianes. Foi candidata al galardón al Meyor Vestuariu na última edición de los Premios Goya.

El parque d’El Muelle volverá cuntar nesta quinta edición de La Grapa Black Music Festival con zones d’alimentación y mercáu, col enfotu de repitir la bona acoyida llograda per parte del públicu mientres la pasada edición.

La edición d’anguaño va cuntar cola collaboración de Ecoembes, al traviés de la so campaña de mensaxes  de concienciación en favor del reciclaxe mientres el festival y como seña de responsabilidá medioambiental. La campaña inclúi distintes creatividaes pa espublizar en redes sociales, disponibles en https://we.tl/t-qNZwMR4nRC. La cortil del festival va cuntar con contenedores de reciclaje de Ecoembes y el Conceyu d’Avilés.

Programa del V La Grapa Black Music Festival

Viernes 9

  • 21 hores. Mississippi Queen & The Wet Dogs.
  • 22.15 hores. Old School Funky Family.
  • 23.30 hores. Eric Dongil.
  • 1.30 hores. Dani Nel·lo y Los Saxofonistas Salvajes.
  • Actuaciones de Dj Miguel Arias y Dj Mastersoul nel intercambiu de bandes

Sábado 10

  • 13 hores. John Paperback. Sesión vermú (quiosco de la música).
  • 19 hores. Super Panela.
  • 22 hores. Soulomonics.
  • 23.30 hores. The Sweet Vandals.
  • 1.30 hores. J.C. Brooks Band.
  • Actuaciones de los los Dj’s Mosk Selektor y Sr. Lobezno nel intercambiu de bandes.

Domingo 11

  • 13 hores. Detractors. Sesión vermú (quiosco de la música).

Tamién te podria gustar