La Generalitat va recurrir la orde d’impartir el 25% en castellán

La Generalitat va recurrir la orde d’impartir el 25% en castellán
09 mayu 19:51 2022 Imprimir

El conseller de Educació de la Generalitat, Josep Gonzàlez-Cambray, anunció esti llunes qu’el Govern va presentar un recursu contra’l Tribunal Cimeru de Xustícia de Catalunya (TSJC) qu’ordena executar nun máximu de 15 díes la sentencia qu’obliga a impartir siquier un 25% d’hores lectives en castellán,

El conseller de Educació de la Generalitat aseguró amás que les direcciones de los colexos nun tienen que camudar nada de lo que tuvieron faciendo hasta agora.

Cambray calificó la interlocutoria de “aberrante pedagóxica y xudicialmente” afirmando qu’el TSJC habíase “extralimitado de les sos funciones”. “Un tribunal nun puede dicir cómo hai qu’aplicar una sentencia”, dixo. Pidió la “máxima tranquilidá” a les direcciones de los centros escolares y a los maestros y reclamó el “máximu consensu políticu, social y pedagóxicu para defender la llingua y l’escuela catalana” y sorrayó amás que l’Asamblea por una Escuela Billingüe, que la so solicitú provocó la interlocutoria del TSJC, “nun ta legitimada” para pidir la execución forzosa de la sentencia.

Coles mesmes, recordó que dos de los cinco maxistraos presentaron un votu particular demostrando que “esta interlocutoria nun tien una razón xurídica”. La sección quinta de la sala del contenciosu alministrativu del TSJC esplicó esti llunes que riquió al conseller de Educació, Josep Gonzàlez-Cambray, por que “dicte les instrucciones y estableza garantíes de control” por que toos los alumnos del sistema educativu catalán reciban siquier el 25% d’hores de clase en castellán.

El tribunal tomó esta decisión tres el pidimientu que fixo l’Asamblea por una Escuela Billingüe (AEB) para forzar la execución de la sentencia, dictada’l pasáu 16 d’avientu de 2020 pol TSJC sobro la que la lletrada de l’Alministración de Xusticia emitió un decretu’l 20 de febreru de 2022 declarando la firmeza de la sentencia.

  Categories:
Loading Facebook Comments ...