MúsicaSociedá La Gala d’Entrega del X Premiu al Meyor cantar sedrá’l dia 29 n’Avilés by redacción asturnews 18 de setiembre, 2017 written by redacción asturnews 18 de setiembre, 2017 36 El vienres 29 de setiembre del 2017, los cuatro intérpretes finalistes van actuar en directo na Gala d’entrega del X Premiu al Meyor Cantar, nel Teatru Palacio Valdés d’Avilés. Van ser Luis Núñez y los Folgazanes, Bras Rodrigo, Hoboken Band y Odón del Paganéu. Depués d’escuchar los cantares, un xuráu independiente, formáu por un máximu de nueve y un mínimu de cinco persones rellacionaes con ámbitu de la música asturiana va escoyer el meyor cantar del añu 2016. La entrada na Gala ye llibre y gratuita. “La lloca”, d’Anabel Santiago, foi’l cantar ganador de la décima edición del Premiu al Meyor Cantar de 2016 como conoció’l públicu demientres una Gala que se celebró’l vienres 30 de setiembre del 2016 nel Teatru Auditoriu de La Pola Siero. Anabel Santiago, que va actuar na Gala, ye una de les voces más potentes de la tonada asturiana actual. Nos sos venti años de trayectoria, esta artista publicó los discos Tierra de sueños (2001), Al son de la lluna (2003), Anabel Santiago canta a Diamantina Rodríguez (2005), Desnuda (2007), Agora (2010) y Llances de papel (2015), discu poético-musical onde axunta parte de los sos éxitos, dende tonaes clásiques hasta tangos, y nel que ta incluyíu’l cantar finalista, que tien lletra de Xulio Arbesú. Ente munches otres reconocencies y gallardones llograos por Anabel Santiago, pueden destacase’l Premiu Nacional de la Música al meyor cantar en llingua asturiana pol tema «Agora» (2010), o los premios AMAS a meyor cantar folk, meyor discu folk y meyor voz. El “Premiu al Meyor Cantar” nació nel añu 2007 como reconocimientu del Gobiernu del Principáu d’Asturies a la creación musical en llingua asturiana o gallego-asturianu. El prestixu y sonadía d’esti gallardon medra con cada edición, de manera que ye yá un referente ente los creadores musicales asturianos. Nestos años pasaron per él dellos de los meyores grupos ya intérpretes de la escena del país, con munches y diferentes propuestes que muestren la vitalidá y dinamismu de la música fecha en llingua asturiana y gallego-asturianu. La convocatoria del Premiu na so décima edición faise acordies con estes bases publicaes nel 2016. 0 FacebookTwitterPinterestEmail Anterior Gascona celebra San Mateo siguiente Educación va convocar 250 places pa caderalgos de Secundaria tres 20 años Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient La Banda Gaites de Castrillón ufrió’l so repertoriu...