Lliteratura La Gala d’Entrega de los Premios Lliterarios 2015 sedrá esti vienres by redacción asturnews 25 de xineru, 2016 written by redacción asturnews 25 de xineru, 2016 67 El patiu de columnes del Palaciu Conde de Toreno n’Uviéu acueye’l vienres 29 de xineru, a partir de les 19.30 hores, l’actu d’entrega de los cinco premios lliterarios que la Conseyería d’Educación y Cultura convoca anualmente col fin d’afitar la llingua asturiana como vehículu d’espresión lliteraria de primer orde. Los premios lliterarios del Principáu son el «Xosefa Xovellanos» de Novela (36.ª edición); el Premiu «Xuan M.ª Acebal» de Poesía (21.ª edición); el Premiu «Máximo Fuertes Acevedo» d’Ensayu (21.ª edición); el Premiu «M.ª Josefa Canellada» de Lliteratura Infantil y Xuvenil (8.ª edición), y el Premiu «Alfonso Iglesias» de Cómic (7.ª edición). Nel actu, que va tar presidíu pol conseyeru d’Educación y Cultura, Genaro Alonso Megido, va dase a los gallardonaos l’Árbol de les lletres, una pieza artística esclusiva otorgada en reconocimientu a la calidá de les obres premiaes. Los ganadores son: Premiu «Xosefa Xovellanos» de Novela: Francisco Álvarez, por Lluvia d’agostu. Premiu «Xuan María Acebal» de Poesía: Antón García, por Ferralla. Premiu «Máximo Fuertes Acevedo» d’Ensayu: José Ángel Gayol, por Vértigu. L’atracción del abismu na sociedá contemporánea. Premiu «María Josefa Canellada» de Lliteratura Infantil y Xuvenil: Vicente García Oliva, porFontenebrosa III: el final. Premiu «Alfonso Iglesias» de Cómic: Ruma Barbero, por El viaxe a la lluz. La gala, que ye d’entrada llibre, va cuntar amás cola actuación musical d’Anabel Santiago y Xulio Arbesú. Alfonso IglesiasMaría Josefa CanelladaMáximo Fiuertes AcevedoPremios del PrincipáuPremios Lliterarios 2015Xosefa XovellanosXuan María Acebal 0 FacebookTwitterPinterestEmail Anterior XsP entruga pol Plan de Normalización del Asturianu de Xixón siguiente SUATEA presenta’l calendariu “Tiempu de muyeres, muyeres nel tiempu” Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez Sonia Uría gana’l concursu lliterariu ‘Ensin muyeres, nun...