La Gala de los XVI Premios AMES va ser el 4 d’abril nel Teatru Campoamor

La Gala de los XVI Premios AMES va ser el 4 d’abril nel Teatru Campoamor
22 marzu 18:30 2021 Imprimir

La Gala de los XVI Premios AMES de la música va celebrase, ensin públicu, el 4 d’abril a les 18 hores nel Teatru Campoamor, acomo fizo anuncia’l conceyal de Cultura d’Uviéu, José Luis Costillas. La Gala va tar conducida por Arantxa Nieto y Luis Serrano y va emitise a les 22.45 hores per TPA.

Presentóse esta selmana la próxima Gala de los Premios AMES de la música asturiana, que se va celebrar el próximu domingu 4 d’abril, nel Teatru Campoamor, ensin públicu y l’Anuariu AMES. “Una gala qu’anguaño se tresllada al teatru Campoamor, que va acoyer dientro de dos selmanes la gran fiesta de los músicos asturianos… El próximu 4 d’abril premiaranse los trabayos realizaos y editaos el pasáu añu 2020, los meyores y más destacaes producciones de la industria musical asturiana. Con más méritu que nunca, diría yo, yá que  nesta gala y nesti anuariu de la música queda reflexáu’l trabayu, les ganes y el talentu de tanta xente que, a pesar de que’l mundu paecía parase al so alredor, entendieron que la música, los acordes y la cultura nun podíen parar”, aseguró’l conceyal de Cultura, José Luis Costillas.

El conceyal acompañáu de la coordinadora del Anuariu AMES, Julia María Martínez-Lombo; el director de los Premios, Geno Cuesta y Arantxa, presentadora de la XVI Gala al pie de Luis Serrano, esclarió que “esti anuariu AMES vamos mirar siempres d’una manera especial, recordando tantos conciertos dende’l salón de les nueses cases siempres con un oxetivu delantre, recordando qu’ésti foi un añu nel qu’hubo qu’acostumase a esfrutar de la música ensin poder mover más que los nuesos pies, sentaos y bien embadurnados de xel hidro alcohólicu, con  mázcaros avafando les nueses gafes y ensin naide al nuesu llau con quien comentar el conciertu. Y a pesar de tantes y tantes piedres nel camín, el texíu cultural d’Asturies nun se quedó mudu y siguió componiendo, grabando y  tocando”.

Julia María Martínez-Lombo, coordinadora del Anuariu AMES, recordó que “2020 foi l’añu de lo que pudo ser y nun foi. La música foi un elementu bien importante pal fuximientu. Los músicos asturianos nun fueron ayenos a esta pandemia. A esti anuariu sumir nuevos collaboradores, que tienen gran vinculación cola escena, arrexunta un ampliu resume de la música asturiana qu’evidencia que siguimos y vamos siguir de pies. Esti Anuariu ye’l más especial porque mientres suene un acorde vamos siguir engarrando”.

Geno Cuesta estimó la implicación del Conceyu y de Costillas, “l’esfuerzu que fixo por caltener la música n’Uviéu y a tola xente que participó colos sos votos na web. Les votaciones algamaron una cifra récord anguaño de 108.530 votos efectivos, 1.980 más que’l pasáu añu. Anguaño, más que nengún otru, con toles midíes de seguridá, va haber dellos cambeos. La Gala va ser nel Campoamor y non na Filarmónica, el domingu, 4 d’abril, a les 18 hores, ensin públicu una y bones la llimitación d’aforu fai que les butaques disponibles yá tean ocupaes polos finalistes. Conducida por Arantxa Nieto y Luis Serrano va emitise a les 22.45 hores per TPA”. Cuesta sorrayó que “amás de los 22 premios nes distintes categoríes va haber dos honoríficos: al grupu de música folk, Felpeyu y otru pa unu de los líderes del pop fechu en Xixón, vocalista de dellos grupos, promotor de la música asturiana, realizador… Miguel Esguilada”.

  Categories: