Portada Sociedá La Fundación Príncipe ufre entraes pa dellos actos que van protagonizar los galardonaos

La Fundación Príncipe ufre entraes pa dellos actos que van protagonizar los galardonaos

by asturnet

La Fundación Príncipe d’Asturies va poner entraes a disposición del públicu pa dalgunos de los actos que van protagonizar los galardonaos colos Premios Príncipe d’Asturies 2013 mientres la so estancia n’Asturies. Amás, dellos d’ellos van poder siguise vía streaming al traviés de la páxina web de la Fundación.

Homenaxe a Michael Haneke

L’homenaxe a Michael Haneke, galardonáu col Premiu Príncipe d’Asturies de les Artes, va tener llugar el miércoles 23 d’ochobre a les 19.30 hores nel Teatru Xovellanos de Xixón. L’accesu al Teatru Xovellanos va cerrar a les 19.15 hores. La Fundación Príncipe d’Asturies va poner a disposición del públicu más de 750 localidaes que podrán retirase nes taquilles del propiu teatru a partir del sábadu 19 d’ochobre, n’horariu de 12.00 a 14.00 hores y de 17.30 a 20.00 hores. va apurrise un máximu de dos localidad por persona.

Annie Leibovitz

Conferencia sobre la so obra’l xueves 24 d’ochobre. La fotógrafa estadounidense Annie Leibovitz va pronunciar una conferencia sobre la so obra na Cúpula del Centru Niemeyer d’Avilés a les 19.00 hores. La Fundación va poner a disposición del públicu 260 invitaciones. Les entraes (dos per persona) podrán retirase na taquilla del Centru Niemeyer a partir del sábadu 19 d’ochobre, n’horariu de 11.00 a 19.00 hores.

Ensayu xeneral del XXII Concierto Premio Príncipe d’Asturies

El miércoles, 23 d’ochobre, a les 20.30 hores, va tener llugar l’ensayu xeneral del XXII Concierto Premio Príncipe d’Asturies, que se va celebrar a otru día so la presidencia de SS.AA.RR. los Príncipes d’Asturies. L’ensayu, nel Auditoriu Príncipe Felipe, va tar abiertu al públicu. La repartida d’entraes va realizase nes taquilles del propiu auditoriu’l martes y miércoles, 22 y 23 d’ochobre, n’horariu de 10.00 a 14.00 hores y de 16.00 a 19.00 hores. va apurrise un máximu de dos entraes por persona hasta completar l’aforu.

Tamién te podria gustar