Sociedá La Fundación ‘Príncipe’ recibe 1,8 millones d’euros pa convertir Asturies en “capital cultural del mundu” by asturnet 22 de xunetu, 2004 written by asturnet 22 de xunetu, 2004 21 Un total de 1,8 millones d’euros nos prósimos tres años pa facer d’Asturies la “capital cultural del mundu”. El presidente’l Principáu, Vicente Álvarez Areces, comprometió güei la entrega d’esa cantidá a la Fundación ‘Príncipe de Asturias’, que concede los premios homónimos y qu’a partir d’ochobre de 2005 cellebrará’l so 25 aniversariu aconceyando n’Asturies a docenes de galardonaos nel últimu cuartu de sieglu. Sedrán doce meses d’actos culturales espardíos pol Principáu qu’hasta la seronda de 2006 pretenden proyectar la imaxen d’Asturies nel mundu mediante un programa “difícil d’emular”, según Areces, articuláu en tres grandes estayes: Grandes conciertos, esposiciones pictóriques de sonadía y conferencies y alderiques, too avalao pola participación de galardonaos nes anteriores ediciones de los premios. Magar que los actos concretos entá nun tán definíos, yá que la comisión que los prepara sólo manexa un “esquema d’idees”, el presidente de la Fundación ‘Príncipe’, José Ramón Álvarez Rendueles, avanzó esti mediudía n’Uviéu, depués de firmar l’alcuerdu económicu col Gobiernu autonómicu, que “docenes” de premiaos yá sondeaos pola entidá confirmaron la so disposición de participar nes cellebraciones ensin problemes d’axenda, tomando en cuenta que los actos cellebraránse a lo llargo d’un añu enteru. No puramente abstracto, tanto Rendueles como Areces sorrayaron el papel de los premios ‘Príncipe’ pa difundir la imaxe d’Asturies nel mundu, premios que’l presidente autonómicu reivindicó -citando al escritor Octavio Paz, galardonáu en 1993- como un “mapa moral ya intelectual de la nuesa cultura”. Vicente Álvarez Areces y José Ramón Álvarez Rendueles rubricaron güei na Presidencia’l Gobiernu el conveniu pol que’l Principáu financia con 1,8 millones d’euros los actos conmemorativos del aniversariu de la Fundación ‘Príncipe’, que llevarán por lema xeneral “Asturies, capital cultural del mundu: 25 aniversariu de los Premios ‘Príncipe de Asturias’. Ochobre 2005-Ochobre 2006.” Al actu formal de la firma l’alcuerdu asistieron amás el director xeneral de Promoción Cultural, Carlos Madera, y el director de la Fundación ‘Príncipe’, Graciano García. 0 FacebookTwitterPinterestEmail Anterior El Palaciu de Campusagráu y la ilesia de Llimanes algamen el másimu nivel de protección monumental siguiente Dixebra entaína los trabayos de composición col envís de grabar el so prósimu discu antes de fin d’añu Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...