Portada Comunicación La Fundación Príncipe convida a Stephen Hawking pa inaugurar el venticincu aniversariu de los premios

La Fundación Príncipe convida a Stephen Hawking pa inaugurar el venticincu aniversariu de los premios

by asturnet

La Fundación Príncipe d’Asturies quier traer a Uviéu al mayor númberu de galardonaos nos sos premios pa los actos conmemorativos del venticincu aniversariu de la institución. Dase por seguro que l’entamu de la celebración va ser una conferencia del científicu británicu Stephen Hawking alrodiu de les sos últimes investigaciones. El cineasta Woody Allen tamién va participar nos actos del aniversariu ufiertando un conciertu de clarinete cola so banda de jazz. La Fundación negocia col artista niuyorquín una posible colaboración nuna de les sos películes.

La conferencia de Hawking va desenvolvese al empiezu de los actos conmemorativos del aniversariu na primavera del añu qu’entra y el sitiu escoyíu pa celebrala va ser el Teatru Campoamor d’Uviéu. Destamiente, la institución asturiana quier personificar na figura del formulador de la teoría del Big Ban la recordanza de tolos galardonaos nos sos premios internacionales

Un de los proyectos más ambiciosos nos que trabaya anguaño la Fundación Príncipe d’Asturies ye la construcción d’un muséu qu’ofreza un recorríu pela hestoria de los premios y que podía tener lista la primer fase coincidiendo col venticincu aniversariu de la institución

Tamién te podria gustar