La Fundación Municipal de Cultura retoma’l ciclu RADAR nel Filarmónica con doble pase

La Fundación Municipal de Cultura retoma’l ciclu RADAR nel Filarmónica con doble pase
09 ochobre 10:36 2020 Imprimir

La programación cinematográfica de la Fundación Municipal de Cultura d’Uviéu, dirixida por José Luis Costielles, torna al Teatru Filarmónica. Va trenta selmanes, la crisis sanitaria de la COVID-19 atayó’l ciclu RADAR. La cartelera que se programa na capital asturiana sol sellu SACO torna esta selmana colos títulos que’l públicu nun pudo esfrutar en marzu, películes del ciclu dedicáu a John Ford y a la paranoya contemporanea, amás d’una amuesa del cine contemporaneu más aclamáu por crítica y públicu.

RADAR arrinca güei con un Richard Burton n’estáu de gracia n’El espía que surdió del fríu. Y va tener la oportunidá de velo a les 17 y a les 2 hores yá que esta nueva edición de RADAR incorpora’l doble pase.

El conceyal de Cultura, José Luis Costillas, señaló que “Radar yá ye marca de la casa n’Uviéu y yera bien importante que pudiéramos retomar. Por eso va ser una de les primeres programaciones que s’escoyeron para reabrir la Filarmónica, con un gran cartelu y cumpliendo puramente toles midíes de seguridá sanitaria. La cultura nun para n’Uviéu y les programaciones yá consolidaes siempres van tener el sofitu d’esta conceyalía”, señala Costielles.

RADAR sigue siendo gratuito, pero’l públicu tendrá de retirar les invitaciones en https://entraes.oviedo.es/ 24 hores antes de cada sesión. P’aportar a la Filarmónica, el públicu tendrá de presentar tanto la invitación impresa como’l so DNI. Amás, ye obligatoriu l’usu de mázcaru mientres la sesión. Con esta fórmula, la programación cinematográfica d’Uviéu cumple coles midíes de seguridá establecíes poles autoridaes sanitaries.

Dende güei y hasta el 27 d’avientu, la Filarmónica va amosar 20 producciones d’España, Francia, Rumanía, Estaos Xuníos y Palestina, ente otres cinematografíes. RADAR va cerrar l’añu con Plácido, de Luis García Berlanga, xuniéndose asina al homenaxe que se preparar pol centenariu de la so nacencia, que se va cumplir en 2021. Esta allocada sátira con fonderada navidiega ta coescrita pol xenial Rafael Azcona y protagonizada por nomes imprescindibles del cine español como José Luis López Vázquez, Elvira Quintilla, Julia Caba Alba, Amparo Soler Lleal, Manuel Alexandre y Lluis Ciges.

El programa inclúi aquellos títulos que’l públicu nun tuvo la oportunidá de ver na programación de RADAR suspendida pola COVD-19, esto ye, la continuación del ciclu dedicáu al director John Ford, que se celebró nos dos anteriores ediciones de RADAR con enorme ésitu, y una amuesa amestada al llibru La paranoya contemporanea. El cine na sociedá del control, la primer publicación de SACU. Amás, RADAR va ufiertar cuatro títulos del primera Hitchcock: La muyer solitaria (1936), Unviáu especial (1940), Barruntu (1941) y Encadenaos (1946).

Sol sellu Paranoya contemporanea van esibise seis películes. El ciclu inclúi títulos imprescindibles de maestros como John Frankenheimer (Siete díes de mayu) y Martin Ritt (L’espía que surdió del fríu), amás de los mentaos títulos de Hitchcock.

El próximu domingu, 11 d’ochobre, los y les siguidores de John Ford van poder ver Mogambo. Tres esti míticu títulu protagonizáu por Clark Gable, Ava Gardner y Grace Kelly van pasar pol Filarmónica otros dos grandes wésterns: Misión de coraxoses y El home que mató a Liberty Valance.

  Categories: