Portada Sociedá La Fundación Municipal de Cultura d’Uviéu estrena programación cultural on line mientres la cuarentena

La Fundación Municipal de Cultura d’Uviéu estrena programación cultural on line mientres la cuarentena

by redacción asturnews

La Fundación Municipal de Cultura d’Uviéu estrena una interesante programación cultural on line mientres la cuarentena. “Cultura de salón” estrenose esti sábadu con un conciertu d’Uviéu Filarmonía interpretáu dende les cases de los músicos so la batuta de Lucas Macías •Uviéu Filarmonía empecipia una serie de vídeos sol títulu OFILcontigo pa llevar la so música a les cases como terapia d’acompañamientu y entretenimientu.

La Fundación Municipal de Cultura del Conceyu d’Uviéu estrenó’l sabadu’l programa “Cultura de salón”, una programación cultural especial que preparó mientres dure la cuarentena. La FMC, dirixida por José Luis Costillas, ta ellaborando una serie de conteníos culturales para tolos públicos gratuitos, en collaboración, ente otros, cola orquesta Uviéu Filarmonía y el ciclu audiovisual SACU, que va arrincar mañana sábadu dende les redes municipales.

El presidente de la Fundación Municipal de Cultura, José Luis Costielles, anunció esti programa señalando que “dende la Fundación Municipal de Cultura queremos dexar claro que la cultura nun se para n’Uviéu y que’l virus nun va acabar coles ganes de consumir música, cine y otros xéneros artísticos. Entendemos que la cultura ye xuna bona terapia pa sobrollevar el confinamientu de la población y l’aislamientu de los enfermos, y dende la conceyalía de Cultura ponemos a los nuesos artistes a disposición de los ciudadanos. Vamos Dir anunciando les actividaes que tamos preparando na FMC, que son pa tolos públicos, gratuites, y esperamos  cumplan xuna función social más nestos tiempos difíciles.  Dende la concajelía queremos dar la norabona a toos los ciudadamos pola exemplaridá y solidaridá que tán demostrando, y proponémos-yos que se sigan quedando en casa acompañaos, eso sí, pola cultura”.

Dende la Fundación Municipal de Cultura y Uviéu Filarmonía informen, amás, de que yá se ta trabayando pa encaxar la programación musical yá aprobada en feches alternatives.

Tamién te podria gustar