La Fundación Municipal de Cultura d´’Uviéu aprueba un presupuestu de 13,1 millones

La Fundación Municipal de Cultura d´’Uviéu aprueba un presupuestu de 13,1 millones
04 avientu 20:08 2017 Imprimir

El Conseyu Rector de la Fundación Municipal de Cultura aprobó esta selmana pasada’l so presupuestu pa 2018 con un total de 13,1 millones d’euros, 2,2 millones más que l’exerciciu pasáu. Les cuentes cuntaron col respaldu de grupos políticos del equipu de gobiernu (Somos, PSOE ya IX) y el votu en contra de Ciudadanos y PP.

Per otru llau, la Comisión Delegada alcordó l’aprobación del espectáculu de Les Luthiers, “Vieyos Hazmereíres”, de los díes 9 al 13 de payares de 2018 nel Auditoriu Príncipe Felipe, y del magu Anthony Blake, “Prácticamente Imposible”, nel Teatru Filarmónica’l día 19 d’avientu de 2017.

Asina mesmu dio’l vistu bonu al ciclu de conciertos del Auditoriu y les Xornaes de Pianu Luis G. Iberni con un presupuestu de gastu de 60.900 euros, y al Conciertu d’Añu Nuevu que se va celebrar los díes 1 y 2 de xineru de 2018  nel Teatru Campoamor (48.000 euros). Tamién s’aprobó la primer prórroga del contratu de vixilancia y seguridá de los Teatros Campoamor, Filarmónica, y les actividaes de la conceyalía de Cultura.

  Categories: