Portada Sociedá La Fundación Municipal de Cultura abre’l procesu de presentación de propuestes para La Nueche Blanca 2018

La Fundación Municipal de Cultura abre’l procesu de presentación de propuestes para La Nueche Blanca 2018

by redacción asturnews

La Fundación Municipal de Cultura abre’l procesu de presentación de propuestes para La Nueche Blanca 2018 con un plazu de presentación que va dir hasta’l 4 de mayu.. La #nbovd18 va celebrase’l sábadu, 6 d’ochobre.

Dende la Fundación Municipal de Cultura del Conceyu d’Uviéu empezóse a trabayar en La Nueche Blanca 2018, #nbovd18, qu’anguaño va celebrar la so sesta edición el sábadu 6 d’ochobre. Por ello la entidá convida a toes aquelles persones y entidaes que lo deseyen a presentar una propuesta para la edición d’anguaño. El plazu de presentación sería hasta’l 4 de mayu. A partir d’esa fecha va llevar a cabu la selección de proyectos, siempres en base a criterios artísticos, de presupuestu, de disponibilidad d’espacios, etc.

“Tolos años preséntense munchos más proyectos de los que pueden desenvolvese mientres esa nueche, polo que dende la organización nun nos queda más remediu que faer una selección, siempres con criterios oxetivos, intentando que les actividaes que se celebren encaxen nel espíritu de La Nueche Blanca: Proyectos qu’averen la creación artística contemporanea en toles sos disciplines a la ciudadanía, basaos na innovación, creatividá, singularidá, participación ciudadana, sostenibilidá, gratuidá, asociación de distintes disciplines y apertura d’espacios non accesibles mientres el restu del añu. Xuntu col proyectu, que se debe esplicar refechamente nuna memoria, va ser necesario axuntar un presupuestu desglosáu y xustificáu qu’incluya tolos gastos de l’actividá: honorarios, producción, arriendos, dietes, desplazamientos, montaxes y desmontajes, portes, impuestos, etc” dicta la Fundación Municipal de Cultura nun comunicáu.

Los proyectos puen unviase hasta’l 4 de mayu (incluyíu) a nocheblancaovd@gmail.com

Tamién te podria gustar