Portada Plástiques La Fundación Canal analiza la relación de Picasso col Mediterráneu

La Fundación Canal analiza la relación de Picasso col Mediterráneu

by redacción asturnews
Picasso: Condor Films [CC BY-SA 3.0 (http://creativecommons.org/licenses/by-sa/3.0)], via Wikimedia Commons

La Fundación Canal de Madrid va presentar el próximu 31 de mayu la esposición ‘Picasso y el Mediterráneu’ con una selección de 91 obres, ente grabaos, ilustraciones y cerámiques, procedentes de la Fundación Picasso-Muséu Casa Natal de Málaga.

Según informaron esta selmana pasada los organizadores, l’amuesa sumase al gran proyectu internacional Picasso-Mediterráneu, una amplia rede d’esposiciones y coloquios na que participen más de 60 museos del sur d’Europa y el norte d’África dende’l pasáu mes abril y hasta finales de 2019.

Esti proyectu, promovíu pol Muséu Picasso de París y al que se sumó la Fundación Canal, pretende afayar “nuevos” ángulos y facetes na obra del artista, y al mesmu tiempu entablar un diálogu en redol al artista malagueñu ente les distintes instituciones culturales instalaes na cuenca mediterránea.

La esposición ‘Picasso y el Mediterráneu’ articúlase al traviés de cinco secciones: tauromaquia, la rellumanza de los cuerpos, celebración mitolóxica, espresiones del mundu antiguu y fauna mediterránea.

Tamién te podria gustar