Política La FSA-PSOE ponse nerviosa col sofitu que recibe la oficialidá by asturnet 29 de payares, 2007 written by asturnet 29 de payares, 2007 9 La FSA-PSOE entama a ponese nerviosa col xorrecer de los manifestamientos favoratibles a la oficialidá dende la drecha y la izquierda a la que vieno xuntase esti día l’alcalde d’Uviéu y pide-y al PP qu’esclarie la so postura sobre l’asturianu y si quier “trespasar la llende de la cooficialidá”. El secretariu d’Organización de la FSA-PSOE, Jesús Gutiérrez, pidió esti miércoles 28 al Partíu Popular qu’esclarie la so postura en relación a la cooficialidá de la llingua asturiana. Gutiérrez pidió a los ‘populares’ asturianos que respuendan si “defienden la cooficialidá o non”. Gutiérrez refirióse, sigún espublizaba Europa Press, a les “ambigües” declaraciones del alcalde d’Uviéu, Gabino de Lorenzo, quien apeló a una mayor protección de la ‘llingua’ y dempués de que’l conceyal de Cultura del Conceyu participara nuna marcha a favor de la oficialidá. “Nun val escondese detrás de fórmules como más apoyu, porque la FSA-PSOE quier un apoyu máximu a la llingua asturiana”, dixo Gutiérrez, quien s’entrugó si “l’alcalde d’Uviéu y el presidente del PP d’Asturies quieren trespasar la llende de la oficialidá o non”. Jesús Gutiérrez entrugó al alcalde si’l so conceyal de Cultura representaba al Conceyu o al equipu de Gobiernu municipal na marcha pola oficialidá del pasáu sábadu. “¿Ta l’alcalde d’alcuerdu col so conceyal o non?¿Representa les posiciones del PP o non?”, señaló Gutiérrez nun comunicáu colgáu na páxina web de la FSA-PSOE, “porque la conseña de la marcha nun falaba d’apoyu al asturianu, sinón d’oficialidá del asturianu”. 0 FacebookTwitterPinterestEmail Anterior El Principáu va levantar un muséu etnográficu en Cecos (Ibias) siguiente Fernando Ornosa saludó les declaraciones del PP favoratibles a un nuevu marcu llegal pala llingua Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA La normalización llingüística afitase dafechu nel Parlamentu Aína entama’l cursu políticu con un actu n’Uviéu Xixón aprueba’l proyectu d’Ordenanza d’Igualdá ente Muyeres y... “La Cultura atraxo a millón y mediu d’espectadores... Marta Mori renuncia a la vicepresidencia de l’Academia... Lluz verde a la convocatoria de subvenciones pa... Xixón homenaxeó a Jean-Pierre Darmendrail pola so contribución... El Principáu impulsa’l Festival Inclusivu por la Diversidá...