Portada Cine La francesa “Un íntimu convencimientu” ye la próxima proyección del Cine de los Martes

La francesa “Un íntimu convencimientu” ye la próxima proyección del Cine de los Martes

by redacción asturnews

Toles sesiones van tener llugar nel Auditoriu de la Casa de Cultura d’Avilés los martes a les 20.15 hores en versión orixinal con subtítulos en castellán. Un drama xudicial, basáu en fechos reales, que llogra caltener en fierros al públicu con una reflexón fonda sobro la verdá y l’ética xudicial. Les entraes, al preciu de 3 euros, pueden adquirise tantu na Casa de Cultura como de forma telemática.

“Un íntimu convencimientu” (Francia, 2018), el debú de Antoine Rimbault na gran pantalla, llega esti martes a la Casa Municipal de Cultura. Un drama xudicial, basáu en fechos reales, nel que Nora llucha pola inocencia de Jacques Viguier, acusáu del asesinatu de la so esposa. Les entraes pa la proyección, en versión orixinal subtitulada, pueden adquirise en taquilla’l mesmu día del pase o de forma telemática.

La nueva programación del Cine de los Martes, que se va enllargar dende esti mes de setiembre hasta avientu, inclúi 12 nueves proyecciones. Tratar d’once películes, más un documental, qu’escapen de los circuitos más comerciales, y qu’enceten xéneros que van del drama a la comedia, incluyendo hasta una particular visión del cine de zombies.

La cartelera d’esti trimestre, propuesta dende la conceyalía de Cultura d’Avilés, inclúi filmes de delles de les cinematografíes más puxantes, como la de Corea del Sur, Francia o España, pero tamién de Canadá, Alemaña, Noruega, Palestina, Venezuela y Xapón. Y toquen temes desemeyaes nos sos distintos propuestes.

Asina lo destaca Yolanda Alonso, conceyala de Cultura d’Avilés: “torna’l Cine de los Martes con once películes, más un pase especial en collaboración cola Rede Europea de Llucha contra la Probeza y l’Esclusión, na que vamos tener nuevamente xuna propuesta tremendamente variada no qu’a propuesta argumental refierse”.

La nueva programación inclúi dende’l drama xudicial a la comedia, pasando pol metacine con toque de zombis o’l documental, y con una especial la selección de cineastes, qu’inclúin dalgunes de les nueves voces más importantes al pie de nomes yá esenciales nel cine contemporaneu, y de cinematografíes, con nueve países distintos.

Alonso resaltó que “lo importante ye’l firme apueste pol cine calidable de marcáu calter autoral, el rescate de propuestes cinematográfiques que nun llegaríen d’otra forma a Avilés, y el convencimientu d’esibiles en versión orixinal subtitulada y a un preciu algamadizu de trés euros, que cuntó dende l’entamu con un importante respaldu popular y tamos seguros de que nesti zarru de programación que preparemos pa 2019 va ser igual”.

Asina, la primer película que se va ver, el 24 de setiembre, “Utoya”, dirixida por Erik Poppe, convierte n’unos respigantes 93 minutos la yá de por sí terrorífica hestoria de la matanza qu’un nazi perpetó na isla noruega del mesmu nome nel 2011, ente mozos que participaben nun campamentu. Pela so parte, “Los informes sobre Sarah y Saleem” enceta’l conflictu ente Israel y Palestina d’una forma bien particular, el 22 d’ochobre.

Tamién apaecen dilemes interfamiliares, na multipremiada “Parásitos”, del coreanu Bong Joon-ho, Palma d’Oru a la meyor película nel últimu Festival de Cannes. Xuna aceda visión del xéneru zombie na xaponesa “One Cut of the Dead”. O la española “Litus”, sobro’l realcuentru d’un grupu d’amigos pola muerte d’otru, que-y valió a Quim Gutiérrez el premiu al Meyor actor de repartida nel Festival de Cine de Málaga 2019.

Coles mesmes, hai programada una proyección especial, pal miércoles 16 d’ochobre. En collaboración cola Rede Europea de Llucha contra la Probeza y l’Esclusión, va pasase’l documental “Hotel Esplotación: Les Kellys”, que va incluyir la presencia de la so directora, la periodista y cineasta Georgina Cisquella, que va participar nun alderique posterior. La entrada nesta ocasión va ser gratuita.

Pal restu de películes previstes, caltiénense tanto l’horariu, les 20.15 hores, como’l preciu de 3 euros y, como siempres, podrán esfrutase nel Auditoriu de la Casa de Cultura.

Les entraes yá s’atopen a la vienta, tanto nes taquilles de la Casa de Cultura, n’horariu de llunes a vienres, de 11 a 14 y de 18 a 21 hores, y los sábadu, de 11 a 14 hores. Y en la páxina web https://entraes.liberbank.es/palaciovaldes.

Consulta la programación completa pinchando equí.

Tamién te podria gustar