Portada Sociedá «La Foz del Pielgu» desenvuelve esti domingu 29 la cuarta edición de les sos xornaes culturales

«La Foz del Pielgu» desenvuelve esti domingu 29 la cuarta edición de les sos xornaes culturales

by asturnet

L’asociación cultural y medioambiental de Corvera «La Foz del Pielgu» entama pa esti próximu domingu 29 la cuarta edición de les sos xornaes culturales. Les conferencies van desenvolvese en Ca Balsinde, una vivienda allugada na localidá de Trasmonte, en Trasona, una de les zones afectaes pol desenvolvimientu del polígonu industrial Silvota-Rovés, anguaño en suspensu. Les conferencies van empezar a los diez y media de la mañana.

El primeru n’intervenir va ser l’historiador Jesús Antonio González Calle que va falar sobre’l palaciu de Los Rodríguez de Llión, en Trasona. De siguío, l’apocayá nomáu «Corveranu exemplar» y vecín de Los Campos, José Ramón Rodríguez, va presentar la so ponencia «Alcordances de Corvera». Foi galardonáu en 2008 col premiu «Truyés», que concede añalmente «La Foz del Pielgu» pol so trabayu «Entrevías 1954-2004». El biólogu Bertu Ordiales va presentar «Arboles d’Asturies». Más tarde, l’etnógrafu Alberto Álvarez Peña va rellatar «Cuentos y lleendes de la contorna avulesina».

Los asistentes a les xornaes van esfrutar d’una comida popular nos esteriores de Ca Balsinde y van apurrir amás el premiu «Truyés» d’anguaño a Manolo Valdés, propietariu de Ca Balsinde. Mientres l’actu que va cerrar la cuarta edición de les xornaes culturales de «La Foz del Pielgu» tamién van sonar les gaites, como en toa celebración asturiana que s’aprecie.

El programa completu ye’l que vién darréu:

IV Xornaes Culturales La Foz del Pielgu domingu 22 de setiembre de 2013 Natura y patrimoniu cultural. Domingu 29 de Setiembre de 2013 dende les 10:30h. Ca Balsinde – Tresmonte – Corvera – Asturies Programa Programa EL PALACIO DE LOS RODRÍGUEZ DE LEÓN EN TRASONA Jesús Antonio González Calle Doctor n’Hestoría pola Universidá d’Uviéu. Autor de “Historia de Corvera de Asturias y su área” RECUERDOS DE CORVERA José Ramón Rodríguez Autor de “Entrevías: 1954-2004”. Premiu Truyés 2008 ÁRBOLES D’ASTURIES Bertu Ordiales Biólogu. Autor de “Guía de los árboles d’Asturies” CUENTOS Y LLEENDES DE LA CONTORNA AVILESINA Alberto Álvarez Peña Etnógrafu. Miembru de la Fundación Belenos XINTA POPULAR ENTREGA PREMIU TRUYÉS 2013 A Manolo Valdés (Ca Balsinde) FOLIXA Con gaites y bona xente

Tamién te podria gustar