La fotografía de Marc Dalstrhöm aporta al Muséu del Ferrocarril

La fotografía de Marc Dalstrhöm aporta al Muséu del Ferrocarril
20 xineru 08:03 2016 Imprimir

Esti xueves 21 de xineru, na primera de les conferencies qiue se van celebrar nel añu nel Muséu del Ferrocarril d’Asturies, Santiago González Estrada va faer una repasada de la figura y l’obra de Marc Dahlström, unu de los principales fotógrafos de trenes qu’apaez n’España nos años sesenta del sieglu pasáu.

Dahlström empezó a retratar trenes en 1960, primero en color, y a partir de 1963 en blancu y negru. La so pasión pola fotografía ferroviaria llevólu a percorrer prácticamente tol mundu en busca de les imaxes de trenes más llamatives ya interesantes. Aportaba per difíciles senderos y caminos, p’averase al más remotu rincón dende onde s’apoderara la vía, en visu a llograr la meyor perspectiva de los trenes en movimientu. Publicó interesantes reportaxes en diverses revistes franceses especializaes y dellos llibros de temática fotográfica.

Les imaxes de Dahlström inmortalizaren xestos, técniques ya inclusive formes de trabayu que yá son hestoria, dibuxando un paisaxe nel que s’entemez la tradición cola modernidá, tan típica de los ferrocarriles de la España de los 60, y qu’atraxo especialmente a fotógrafos estranxeros como él.

  Categories:
Loading Facebook Comments ...