La Foguera de San Xuan de Corvera cumple’l so primer cuartu de sieglu ampliando’l so conceutu, el ferial y les actividaes a desenvolver

La Foguera de San Xuan de Corvera cumple’l so primer cuartu de sieglu ampliando’l so conceutu, el ferial y les actividaes a desenvolver
22 xunu 10:10 2016 Imprimir

La Foguera de San Xuan de Corvera va cumplir veinticinco años esta selamana, y quieren celebralo d’una manera emblemática, introduciendo novedaes, dando un xiru al programa festivu y al escenariu del so desenvolvimientu, pa faer que los sos espectaculares diseños vuelvan sosprender un añu más y atraigan como siempres a miles de persones provenientes de toa Asturies.

Anguaño nel banzáu de Trasona y redoma del Palaciu, van tener pa la celebración de la Foguera de San Xuan de Corvera, tres escenario estremaos col so xéneru y públicu tamién estremáu. Asina, vamos tener na área recreativa de Overo la zona pal públicu infantil, onde se va quemar la Foguerina “El Buzón de los deseos”, y van desenvolvese actividaes infantiles y la chicolatada; na zona del prao del Palaciu, va desenvolvese l’actuación de CEREZAL, RODRIGO CUEVES y la verbena baille cola Orquesta CUARTA CAI.  Na zona de la redoma del Palaciu, conocida como “Les Palmeres”, van allugase los DJs cola so música electrónica, nun eventu entamáu pola Asociación Korvera Suena, colos DJs David Mallada, Richi Risco, Aida Blanco, Damián Martín, Llee.Nosh, y Fondiáu Fernández. Asina va configurse LA TIERRA DE LES MIL MÚSIQUES, con estilos de too tipu, folk, música electrónica, baille y cabaré.

La “Foguera de San Xuan de Corvera – La Foguera d’Asturies” va tener DOS FOGUERES; como novedá a les  22 hores van empezar les actividaes infantiles y a les  22,30 quemarase la Foguerina “EL BUZÓN DE LOS DESEOS” na área recreativa de Overo. EL BUZÓN ye una propuesta creativa, dirixida a un públicu al qu’hasta agora nun diba dirixida la celebración de la Foguera de San Xuan, el públicu infantil, los más pequenos. La Foguerina EL BUZÓN DE LOS DESEOS va reproducir un realista buzón tradicional de 2m x 1m, que va recoyer too aquello que los pequeños quieran quemar o esconxurar. Los neños van cuntar tamién con animación infantil al cargu de la Compañía TRÉS COLORIES. Esta primer “quema” va tener, como resultáu preceptivu nes fogueras tradicionales del país, una chocolatada pal públicu infantil.

Anguaño, Xacintu Pravos “Pedrete” ye l’autor de les fogueres artístiques de Corvera 2016. Quixeron qu’un artista local protagonice esti emblemáticu aniversariu. Pedrete especializóse na realización de xarrés y escenografíes pa los eventos que se desenvuelven nel conceyu onde trabaya.

A les 23,30 hores el Grupu de Teatru NUN TRIS, habitual de la celebración corverana, va empezar la ceremonia previa d’encendíu de la Gran  FOGUERA DE LA NUECHE: “CERCU”, otra pieza diseñada por Xacintu Pravos. “CERCU” va ser una gran foguera (9 metros d’altor y 12 de diámetru) con un protagonista bien especial: el Cercu Antropomorfa de Xúncéu-Molleda.

En detalle los horarios del programa de la celebración de la Foguera de San Xuan, la nueche del 23 al 24 de xunu son:

La música electrónica va empezar a sonar a les 20,30 hores con DJs y hasta les 4,30 h. na zona de les palmeres atayándose pal encendíu. A les 22,00 hores, na zona de Overo, animación infantil con TRÉS COLORIES y chicolatada, que va dar pasu a les 22,30 hores y na mesma cortil festivu, a la quema de la FOGUERINA “EL BUZÓN DE LOS DESEOS”. A les 22,30 hores vamos tener el CONCIERTU A LA DEVA”, con CEREZAL, na zona del prao del Palaciu. Averándonos a la media nueche, a les 23,30 hores, podrá contemplase l’espectáculu “LA QUEMA protagonizada pola Compañía de Teatru NUN TRIS, y actuación de la BANDA DE GAITES DE CORVERA. A les 24,00 hores, quema de la Foguera “CERCU”. A les 00,20 hores, va dar empiezu’l “CONCIERTU A BELENOS” con RODRIGO CUEVES (prau del Palaciu). Al so finalización, a partir de 1,45 y hasta les 4,00 hores vamos tener baille cola ORQUESTA CUARTA CAI, tamién nel prao del Palaciu.

  Categories: