Portada Patrimoniu La fin de selmana va llenar Valdesoto de Guirrios y Mazcaritos

La fin de selmana va llenar Valdesoto de Guirrios y Mazcaritos

by asturnet

El programa previstu ye’l que vien darreu:

El sábadu 14, dende les 18:00 hores, entámase cola presentación de dos Mazcaraes: *El Guirria de San Juan de Beleño (PONGA) *OS REISES de Tomaleo (IBIAS) De siguio va desendolcase un alderique con informantes ya expertos de Mazcaraes d’Asturies que va tar moderau por Xosé “Ambás”.

El domingu 15, a partir de les 12, hai previstu un Desfile de Mazcaraes nel que van participar dafechu Os Reises de Tormaleo, Os Reises de Valledor(Vezos astures) y Los Sidros de Valdesoto. Va ser la primer vez que se faiga n’Asturies un Desfile como esti ya que van tar xuntes Mazcaraes que nun salen del so entornu.

A los Sidros de Valdesoto, qu’entamen el Desfile y les Xornaes, prestaría-yos cuntar col to sofitu y la to presencia, asina que si quies desfilar pues facelo siempre que vengas mazcaritau/a de mou tradicional (porque a naide nun-y gustaria que vinieses de Batman o dalgo paecio).

Tamién te podria gustar